1 Petero 1:12 - INDAGANO INYA:YA

¹² Bariga basweruriywe ati, bata:ikire misango ejo kubwebwe abene, nawe ni kurwemwe. Nijo emisango jinu mwabwiriywe wori na banu bababwiriye Ebigambo byo bwana kurwo Mwoyo Mweru unu atumirwe okuso:ka mu rwire. Ne:jo bamaraika one abenda okusunguriramo no kurora.

Indagano Inyaaya mu-Chijita

¹² Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 1:12 Referans Kwoze

Yowana 15:26

Nawe Omusi:ri:sya ariba:ja, unu ndibatumira kuso:ka ku Rata, niwe Omwoyo we cimari, unu kaso:ka ku Rata, oyo niwe arinyimako anye.

Baefeso 3:10

Korereki woryanu obwenge bwa Nyamuanga obwa jinyami jinyafu bumenyeke kubwa ikanisa ku bakuru na ku batungi banu bari mu rwire,

1 Bakorinto 2:10

Nawe Nyamuanga acisweruriye eswe ebyo kubwo Mwoyo, okuba Omwoyo niwe katatirisya byone, yee na binu bibisire ebya Nyamuanga,

Baeburania 4:2

Okuba eswe one casimuriywe Ebigambo byo bwana, rwa bene, nawe omusango gunu bonguywe gutabare:tee muri:ro, okuba gutasasikene no kwikirisya mu banu bonguywe.

Mariko 16:15

Nababwira ati, Mugende mu ca:ro cone murasyega Ebigambo byo bwana ku bimogwa byone.

1 Petero 1:25

Nawe omusango gwa Ratabugenyi guri:kara kajanende na kajanende. Nigwo Omusango gwo bwana gunu mwasimuriywe.

Obhusweruro 5:11

Nindora, ninungwa oburaka bwa bamaraika banu basingiye ecitebe ca iŋoma na jintyanyi na bakaruka, no bwafu bwebwe bariga bari bisira ekumi kwiya bisira ekumi, na bisira kwiya bisira.

2 Bakorinto 6:6

Mu bweru, mu bwenge, mu kwigumirisya, mu cigongo, mu Mwoyo Mweru, mu kwenda kunu kutarimo burigerige,

2 Bakorinto 1:22

Niwe aciteeko ecibarikisyo, nariyana Omwoyo mu mitima jeswe rwe co kugwatirisya.

Barumi 15:19

Nikwo kutyo anye namarire okusimura Ebigambo byo bwana ebya Kristo mu Yerusalemi nini:singya kukinga Iluriko.

Ebikorwa 2:33

Mbe, wejire amara okuku:ibwa ku kuboko kwe buryo okwa Nyamuanga, nayabwa omurago gwo Mwoyo Mweru Kwisemwene, mbe niwo nabe:tururira cinu omurora no kucungwa woryanu.

Baeburania 2:4

Nyamuanga omwene na:ika aamwi nabo mu bibarikisyo na mu biruguro na mu bya managa bindi na bindi, na mu biyanwa byo Mwoyo Mweru, rwa kutyo endaga omwene.

Bagalatia 1:16

Wejire byamukondera okumubu:risya Omwana wae mwanye, korereki nira:sye mu ba:maanga Ebigambo byae byo bwana, mbao nitarwajire na ba:nu bo mubiri na manyinga.

Bagalatia 1:12

Okuba anye nitayabirwe na mu:nu amwi nite:igisibwe na mu:nu, nawe nasweruriywe na Yesu Kristo.

Barumi 10:15

?Ka baribabwira atiki, ke:nu batatumirwe? Rwa kutyo byandikirwe ati, Ebigere byebwe bikondere kutiki banu abasimuraga Ebigambo byo bwana ebyo murembe. Na banu abakumusyaga emisango jo bwana!

Barumi 1:17

Okuba mwibyo oburenge:resi bwa Nyamuanga nimwo obubu:rikira bunu obusorka mu kwikirisya kukinga mu kwikirisya, rwa kutyo byandikirwe ati, Omurengeresi arabaga muanga kurwo kwikirisya.

Ruuka 15:10

Enibabwira ati, Nikwo kutyo kurabaga kukonderwa imbere ya bamaraika ba Nyamuanga kurwo we bibi:bi oumwi akata.

Matayo 11:25

Mu magoro ago Yesu naindura na:ika ati, Enikusi:ma, Rata, Esebugenyi wo rwire na i:si, okuba wababisire abo bwenge na bengeso emisango jinu, nubaswerurira aba:na barera.

1 Batesalonika 2:9

Okuba, ba:na ba:su, omwicuka okwikomesya kweswe no kunya:ka kweswe, rwa kutyo cakoraga emirimu mu mwisi na mu ngeta, korereki citaja kutamirisya mu:nu wo:ne kwimwe, nicibasimuriraga Ebigambo byo bwana ebya Nyamuanga.

Ruuka 9:6

Mbe nibagenda nibe:singa mu misi jo:ne, nibasimura Ebigambo byo bwana, nibaosya ba:nu wo:ne wo:ne.

Ruuka 2:26

Oyo asweruriywe no Mwoyo Mweru ati ataribona kufwa acari kurora Kristo wa Ratabugenyi.

Matayo 16:17

Yesu naindura namubwira ati, Una ribando Simoni wa Yona, okuba omubiri na manyinga bitakusweruriye eco, tari Rata unu ari mu rwire.

Matayo 11:27

Rata ananire byone. Atariwo unu amenyere Omwana, atari Rata, amwi atariwo unu amenyere Rata, atari Mwana, na unu wo:ne Omwana kenda kamuswerurira.

Baeburania 11:13

Abo bo:ne bafwiriye mu kwikirisya, batayabirwe binu bariga baragirwe, nawe nibabirorera kura, nibabisandabira, niba:ika ati, ciri bagenyi na baribasi ku ca:ro.

Barumi 1:15

Kwenikora anye nimaririye okusimura Ebigambo byo bwana kwimwe banu muri Rumi one.

Ebikorwa 16:10

Wejire amara okurora ebiroro, niciyenja okugenda mu Makedonia, okuba camenyere cimari ati, Nyamuanga niwe acibirikiye okubasimurira Ebyobwana.

Ebikorwa 10:44

Anu Petero ariga aca:ika ebigambo ebyo, Mwoyo Mweru nabagwako bo:ne banu bonguywe omusango.

Ebikorwa 8:25

Mbe wejire bamara okwaika no kusimura omusango gwa Ratabugenyi, nibasuba Yerusalemi, nibasimura Ebigambo byo bwana mu misi myafu ja Basamaria.

Ebikorwa 4:31

Bejire bamara okusabwa, anu bariga be:kofyanyisisye na:tikima. Bo:ne nibe:jura Omwoyo Mweru, niba:ika omusango gwa Nyamuanga no buba:si.

Ebikorwa 4:8

Mbe Petero e:juye Mwoyo Mweru, nababwira ati, Emwe abakuru ba ba:nu na bakaruka ba Israeli,

1 Timoteo 3:16

Rwa kutyo ecitogora, obumbise bwo kuramya Nyamuanga ni bukuru, ati, Oyo niwe abu:risibwe mu mubiri, Naba murenge:resi mu mwoyo, Narorwa bamaraika, Nasimurwa mu ba:maanga, Ne:kirisibwa mu ca:ro, Nagegerwa mwikusyo.

1 Petero 4:6

Okuba kwobakorere abafu:ye one nibabwirwa Ebigambo byo bwana, korereki batemerwe eci:na rwa ba:nu ba mu mubiri, nawe babe baanga mu mwoyo rwa Nyamuanga.