1 Bakorinto 1:30 - INDAGANO INYA:YA

³⁰ Nawe ku Mwene emwe mwabwene okuba mu Kristo Yesu, unu Nyamuanga akorere okuba bwenge bweswe no burengeresi bweswe, no kwesibwa kweswe, no kucungurwa kweswe.

Indagano Inyaaya mu-Chijita

³⁰ Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 1:30 Referans Kwoze

Baefeso 1:7

Mu mwene ciri no kucungurwa kweswe kurwa manyinga gae, nikwo okwiswaririrwa kwe bikayo byeswe, rwo buni:bi bwe cigongo cae kutyo buri.

Bafilipi 3:9

Ka niboneke mu Mwene ati, nitana burenge:resi bunu obuso:ka mu biragiro, nawe ni bunu burio kurwo kwikirisya Yesu, nibwo oburenge:resi bunu obuso:ka ku Nyamuanga kurwo kwikirisya.

Barumi 8:1

Mbe woryanu itario ntambara kwabo bari mu Kristo Yesu.

1 Bakorinto 1:2

Enandikira ikanisa ya Nyamuanga inu iri Korinto, ku banu be:si:bwe mu Yesu Kristo, banu babirikiywe babe be:ru, aamwi na bo:ne banu bari wo:ne wo:ne banu abasabwa risi:na rya Ratabugenyi Yesu Kristo, niwe Ratabugenyi ne:sebugenyi one.

Baefeso 2:10

Okuba eswe ciri mirimu jae banu camogeywe mu Kristo Yesu korereki cikore ebikorwa byo bwana, binu Nyamuanga aci:ra:biye kara korereki ciribatiregamo.

Bakolosai 1:14

Mu Mwene nimwo ciri no kucungurwa kweswe, nikwo okwiswaririrwa ebibi:bi byeswe.

1 Bakorinto 6:11

Ka na bandi mwimwe mwariga muri kutyo, nawe mwosibwe, nimwesibwa, nimuyabwa oburengeresi kurwa risi:na rya Ratabugenyi Yesu Kristo, na kubwo Mwoyo wa Nyamuanga weswe.

Yowana 14:6

Yesu namubwira ati, Nanye injira, nanye okumasya, nanye obuanga. Atario unu ka:ja ku Rata, atari mwanye.

Bagalatia 3:13

Kristo acicunguye mu ci:imo ce biragiro, okuba abee ci:imo kubweswe, okuba candikirwe ati, E:imirwe unu wo:ne kaanikwa kwiti.

Bagalatia 1:4

Unu e:tegereyo kurwe bibi:bi byeswe, korereki acicungure mwiimbo rinu ribi:bi rya wori, rwa kutyo endere Rata Nyamuanga weswe.

1 Bakorinto 1:24

nawe ku banu ababirikirwa, nakabee bari Bayaudi, nakabee bari Bagiriki, Kristo niwe amanaga ga Nyamuanga no bwenge bwa Nyamuanga.

Yakobo 1:5

Nawe omu:nu wo:ne kwimwe akagerukirwa obwenge, asabwe Nyamuanga unu kagabira bo:ne kwima uri, amwi atakugonya. Oyo ariyabwa.

2 Bakorinto 4:6

Kwo kuba Nyamuanga unu a:ikire ati, Obweru buryaka mu cisuite, niwe a:ikire mu mitima jeswe, are:te obweru bwo kumenya rikusyo rya Nyamuanga rinu riri mu busu bwa Yesu Kristo.

Obhusweruro 14:4

Abo nibo bate:jabiasisye ku bagasi, okuba ni be:baririsi. Abo nibo abaru:ba Omwana wa Ina:ma wo:ne wo:ne enu kagenda. Nibo bagurirwe mu ba:nu babe mutongoro ku Nyamuanga na ku Mwana wa Ina:ma.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

Baefeso 5:26

Korereki ayesye no kuicuma no kuyosya na manji mu musango.

Baefeso 4:30

Mutasurumbasyaga Mwoyo Mweru wa Nyamuanga, unu abateeko ecibarikisyo kukinga ku rusiku rwo kucungurwa.

1 Bakorinto 12:8

Kwo kuba Omwoyo kayana oundi omusango gwo bwenge, no undi kayabwa omusango gwo kusombo:kerwa kubwo Mwoyo oyo.

Yowana 17:8

Okuba emisango jinu wananire nabajiyae, nibajigwata nibamenya cimari ati naso:kere kwawe, nibe:kirisya ati na:we wantumire.

Baeburania 9:12

Amwi atengiye na rwamba rwa mbusi na rwa binyara, nawe engiye na manyinga gae omwene, nengira kata mu rubara orweru rumwi era, nakora okucungura kwa kajanende.

Tiito 2:14

Oyo niwe e:teeyo kurweswe, korereki acicungure mu bumaya bwone, e:cumire aba:nu babe bae cimari, banu bakome:ree ebikorwa bye kisi.

Baefeso 1:14

Niwe ecigwatirisyo co mwandu gweswe, kukinga obutungi bwa Nyamuanga runu buricungurwa, rikusyo ryae rikuibwega.

1 Bakorinto 12:27

Nawe emwe muri mubiri gwa Kristo, ka muri ŋingo jendeko.

Barumi 8:23

Nawe tari eco era, nawe neswe abe:ne banu cina matwasyo go mutongoro ago Mwoyo, eswe one eca:sibwa munda jeswe, nicirindirira okukorwa ba:na, nikwo okucungurwa kwe mibiri jeswe.

Barumi 8:9

Nawe emwe mutari mu byo mubiri, nawe muri mu byo Mwoyo, akaba Omwoyo wa Nyamuanga e:kae mwimwe. Omu:nu wo:ne akaba atana Mwoyo wa Kristo, oyo atari wae.

Barumi 5:21

Rwa kutyo ebibi:bi byatungire mu kufwa, nyaburiko ne cigongo one korereki citunge kurwo burengeresi, nicire:ta obuanga bwa kajanende kubwa Yesu Kristo Ratabugenyi.

Barumi 5:19

Okuba kurwo butongwa bwo mu:nu oumwi bo:ne nikwo baberee be bibi:bi, nyaburiko kurwo kungwa kwo mu:nu oumwi ba:fu nikwo baribera barengeresi.

Barumi 4:25

Unu aso:sibwe kurwe bikayo byeswe, nasururwa korereki cibarirwe oburenge:resi.

Barumi 4:6

Rwa kutyo Daudi one ka:ika ribando ryo mu:nu unu Nyamuanga kabarira oburenge:resi bunu butari mu bikorwa, na:ika ati,

Yowana 8:12

Mbe Yesu na:ika nabo rindi, na:ika ati, Nanye obweru bwe ca:ro. Unu kandu:ba ataribatirega mu cisu:te, nawe arabaga no bweru bwo buanga.

Yowana 1:18

Atario unu ararorere Nyamuanga anu cikabere:ga. Nyamuanga unu e:buywe enyere, unu ari mu cifuba ca Rata, Oyo niwe amubu:risisye.

Ruuka 21:15

Okuba anye ndibayana omunwa no bwenge bunu abaremo bemwe bataritura kuyajana amwi kurema.

Matayo 1:21

Ari:bura Omwana musambaya, na:we urimutoga risi:na ryae yesu, kwo kuba niwe aribakisya aba:nu bae mu bibi:bi byebwe.

Obhusweruro 5:9

Nibemba orwimbo oruya:ya, niba:ika ati, Awe wiire okugega ecitabo no kusurumura ebiboero byaco, okuba we:tirwe, nu:gurira Nyamuanga aba:nu ba mu ŋanda jo:ne, na mu nyaika jo:ne, na mu nyami jo:ne ja ba:nu, na mu maanga go:ne, kurwa manyinga gao,

1 Yoana 5:6

Oyo niwe e:jire na manji na manyinga, niwe Yesu Kristo. Ate:jire na manji era, nawe e:jire na manji na manyinga.

1 Petero 1:2

Banu mwasorerwe rwa kutyo Nyamuanga Rata ambire okubamenya kara, nimwesibwa no Mwoyo, korereki mumworobere Yesu Kristo no kumijirwako amanyinga gae. Ecigongo no murembe biyongesye kwimwe.

Bakolosai 3:16

Omusango gwa Kristo gwikarega mwimwe no kufura, nimwiigisyanya nimukajusyanya mu bwenge bwone nimwimbira Nyamuanga nimumusi:ma mu mitima jemwe mu jaburi na mu nyimbo, na mu nyimbo jo mwoyo.

Baefeso 1:10

Korereki mu kuragirira kwo kukumisya kwa magoro, aumbanyisye mu Kristo binu byone biri mu rwire na binu biri ku ca:ro.

1 Bakorinto 12:18

Mbe nawe Nyamuanga ateemo jiŋingo mu mubiri imwi-imwi rwa kutyo endere.

Barumi 16:11

Enike:sya Erodioni omuiri wani. Enike:sya aba mu nyumba ya Nakiso, banu bari mu Ratabugenyi.

Barumi 16:7

Enike:sya Andironiko na Juniasi, abairi bani, banu caboerwe aamwi, banu bane cibaro mu ntumwa, ka nibo bantangatiye okwikirisya Kristo.

Barumi 12:5

Nikwo kutyo eswe ciri ba:fu, nawe ciri mubiri gumwi mu Kristo, neswe bo:ne ciri byungo bya be:ja:su.

Barumi 11:36

Okuba byone byaso:kere ku mwene, nibibao mu buinga bwae, ka birisuba ku mwene. Akusibwega kajanende. Amina.

Barumi 1:17

Okuba mwibyo oburenge:resi bwa Nyamuanga nimwo obubu:rikira bunu obusorka mu kwikirisya kukinga mu kwikirisya, rwa kutyo byandikirwe ati, Omurengeresi arabaga muanga kurwo kwikirisya.

Ebikorwa 26:18

Korereki wigure ame:so gebwe, baso:ke mu cisu:te baindukire obweru, baso:ke mu managa ga Syetani baindukire Nyamuanga, korereki bayabwe okwiswaririrwa ebibi:bi no mwandu mu banu be:sibwe kurwo kunyikirisya anye.

Yowana 17:26

Nababwiriye risi:na ryao, ka ndibabwira, korereki okwenda kunu wanyendere kubega mu bene, nanye one nibabegamo.

2 Bakorinto 12:2

Nimenyere omu:nu mu Kristo, jaturireo myaka ekumi ne:na. Amwi ariga:ri mu mubiri nitakumenya, amwi ariga atari mu mubiri, nitakumenya. Nyamuanga niwe amenyere. Omu:nu uyo agegerwe nasirwa mu rwire rwa kasatu.

Ruuka 11:49

No bwenge bwa Nyamuanga kwobwakorere nibwaika ati, Ndibatumira abaragi na jintumwa. Abandi baribe:ta nibabanya:sya.

1 Bakorinto 4:15

Okuba nakabee muri na be:igisya bisira ekumi mu Kristo, nawe mutari na be:somwana ba:fu. Okuba anye nabe:buye mu Kristo Yesu kurwe Bigambo byo bwana.

1 Batesalonika 5:23

Nyamuanga wo murembe omwene abe:sye kata. Ne myoyo jemwe no buanga ne mibiri jemwe birindwega byone bitane:soro, mu ku:ja kwa Ratabugenyi Yesu Kristo.