1 Bakorinto 1:10 - INDAGANO INYA:YA

¹⁰ Mbe enibe:remberesya, ba:na ba:su, kurwa risi:na rya Ratabugenyi Yesu Kristo, ati, bo:ne mwaikega gumwi no kwaukana kusigega kubao mwimwe, nawe mugwatanyibwega mu kwiganirisya kumwi na mu kurwaja kumwi.

Indagano Inyaaya mu-Chijita

¹⁰ Woori, abhayiri bhaani mu‑riikirisya, enibheerembeeresya kw‑isiina rya Raatabhugenyi weeswe Yeesu Kirisito ati, mwasiga okutaasyanya mu‑nyaayika. Kwasiga okubha‑wo okwawukana agati yeemwe, tari mubhe na obhumwi ku‑jinu omukararira na ku‑jinu omwiganirisya.

1 Bakorinto 1:10 Referans Kwoze

1 Bakorinto 12:25

Korereki isigega kubao soro:re mu mubiri, nawe jiŋingo jisakiranega ejene:ra.

Barumi 12:16

Mungwane emwe abene era. Mute:ganirisya ebikuru, nawe munya:kirega aamwi na bo:roro. Mute:kuisyaga obwenge.

2 Bakorinto 13:11

Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.

1 Bakorinto 11:18

Ogwo kwamba okuba enungwa ati kurio kwaukana mwimwe wora mwekofyanyisya mu kanisa, nanye eni:kirisya kuto:to ati ni cimari.

Bafilipi 1:27

Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Barumi 16:17

Enibe:remberesya, ba:na ba:su, mubakabukire banu abarema okwaukana, ne byo kuyabya, binu ebita:syanya no kwiigisibwa kunu mweigiye. Mwaukane nabo.

2 Bakorinto 5:20

Kwecikora niciba ntumwa kurwe ja Kristo. Ni uti Nyamuanga karemberesisya mwiswe. Ecibaremberesya kubwa Kristo ati, mwaikanyibwe na Nyamuanga.

1 Bakorinto 4:16

Mbe enibaremberesya, mundu:bega.

Ebikorwa 4:32

Ne cise ca banu be:kirisisye bariga na mwoyo gumwi no mutima gumwi, amwi atabeeo mu:nu unu a:ikaga ati ebi:nu binu anabyo ni byae enyere, nawe bariga basangiye bi:nu byone.

Yowana 17:23

Anye mu bene, na:we mwanye, baku:mirire kuba umwi, eca:ro cimenyega ati, na:we wantumire, nubenda rwa kutyo wanyendere anye.

1 Batesalonika 5:13

Mubayanega ecibaro muno mu kwenda, kurwe mirimu jebwe. Mubega no murembe mwimwe.

Barumi 12:1

Kwenikora nimbaremberesya, ba:na ba:su, kurwe cigongo ca Nyamuanga, ati mwitegeyo emibiri jemwe jibe byogo bianga, na byeru, ne byo kukondisya Nyamuanga, nikwo okuramya kwemwe okwo bwenge.

Yowana 10:19

Nikubao okwaukana rindi mu Bayaudi kurwe misango ejo.

1 Petero 2:11

Abendwa, enibaremberesya rwa baitiŋani na baribasi, ati, mwiŋange okurigira kwo mubiri kunu okurwana no mwoyo.

2 Timoteo 4:1

Enikukomeresya imbere ya Nyamuanga na Kristo Yesu, unu ariramura abaanga na bafu:ye, na kurwo kuboneka kwae no bukama bwae, ati,

Bafilipi 3:16

Nawe ku cinu cakingireko, ciribatirega mwico.

2 Bakorinto 10:1

Nawe anye Paulo enibaremberesya kurwo bufura no bwororo bwa Kristo, anye unu ndi mwikeya wora naba aamwi nemwe, nawe nikaba nitariyo ndi muba:si kwimwe.

Yowana 7:43

Mbe nikubao okwaukana mu cise kubwae.

Mariko 2:21

Atario mu:nu unu kabari:ra ecisa:to eciya:ya ku ngubo iŋokoro, akefura nabari:ra, ciriya eciya:ya ecinyamura ingubo iŋokoro, no butemuke nibwiyongesya.

Matayo 9:16

Atariwo mu:nu unu kabari:ra akatamba:ra akaya:ya ku mwenda omukokoro, okuba ako akabari:rirwako akatemura omwenda, na riundu niryongesya okugariya.

1 Timoteo 5:21

Enikukomeresya imbere ya Nyamuanga, na imbere ya Yesu Kristo, na imbere ya bamaraika abasorwa, ati, ukorega kutiyo, wasiga kuba na soro:re, amwi utakwitiriranya mu musango gwone.

2 Batesalonika 2:1

Mbe, ba:na ba:su, ecibaremberesya kurwo ku:ja kwa Ratabugenyi Yesu Kristo, na kurwo kwikofyanya kweswe ku Mwene, ati,

Bagalatia 4:12

Enibaremberesya, ba:na ba:su, mube rwanye, okuba niri rwemwe. Mutankaiye anye omusango.

2 Bakorinto 6:1

Mbe, eswe banu ecikorera aamwi nage, enibaremberesya ati, musige kuramira ecigongo ca Nyamuanga kutyo era.

Barumi 15:30

Mbe, ba:na ba:su, enibaremberesya kubwa Ratabugenyi Yesu Kristo, na kurwo kwenda kwo Mwoyo, mwikome:sye aamwi nanye mu kunsabirwa ku Nyamuanga.

Yowana 9:16

Mbe Abafarisayo abandi niba:ika ati, Omu:nu uyo atari wa Nyamuanga, okuba atakugwata isabato. Nawe abandi niba:ika ati, ?Omu:nu we bibi:bi katura kutiki okukora ebibarikisyo rwa binu? Nikubao okwaukana mu bene.

Barumi 1:13

Mbe, bama ba:su, nitakwenda muremo:kumenya ati, kwiya ka:fu nakarariraga okubaja:ko, korereki nibe na matwasyo kwimwe, rwa mu bamaanga abandi, nawe niingirirwa kukinga wori.

1 Bakorinto 1:11

Okuba, ba:na ba:su, ebyewemwe nabwiriywe na ba mu nyumba ya Koloe ati, iriyo inyombo mwimwe.

1 Bakorinto 3:3

Kwo kuba mucari mu byo mubiri, okuba rifuwa no kuyomba bikaba bibarimo, angu mutari bo mubiri? ?Mutakuribata rwa ba:nu abandi era.

2 Bakorinto 13:9

Okuba ecikonderwa eswe cikaba citana managa ke:nu emwe muri na managa. Na cinu ecisabwa ciri ati, emwe mukurmire.

1 Petero 5:10

Mbe ariba mwamara okunya:sibwako mwanya muto:to, Nyamuanga aribaku:misya, nabarumya, nabayana managa. Niwe Nyamuanga we cigongo co:ne, unu ababirikiye mu Kristo korereki mwingire mwikusyo ryae rya kajanende.

Mariko 3:24

Obukama bukatasyanya obwene era, butakutura kwimereguru.