1 Timoti 5:11 - Kasua

¹¹ Aputa: kesale pola sopa:la unuwa momatepa. Alake kesale pola sopa:layewi sena ewa tima:na: matanemita:, sena ha:na:na: sosolo matanepesakeye. Alanase, ikila sopoke Kelesopela: nano timinisewa iya:peyakeye. Kesale pola sopa:layewi alusekeye.

1 Timoti 5:11 Referans Kwoze

1 Timoti 5:14

Auma:pekise ne matanawa wekeye. Kesale pola sopa:la senayewi tiyapita:wa ililakeye. Tiyapola: sala kesi tiye apola:, e ko:luwala, sala amowana, seli potapola: sitalatipa:, au sela:pa:. Apula: kesale pola sopa:layewi olokeyatela timinisaleke, kisi sena semetei nowamoke potapola:, ema wepi selese, “Kewa olokeyatelalakeye.” Auma:pekitise kesale pola sopa:lama neyewi solo we se tiye kina:pa:.

Yemese 5:5

Ta:tapita: kemi, peleya: weyemi kiyewi nano ketea sosolo tiye tiyapola: epelese fesamonosene aluse fesamonose sitalakeye. Kopolo sama:na:pela: kopolo amowa nano ma:na: sosolo kinisene, kopolo soya epapuluse kili himuwa epelese kinakeye. Kopolo sama:na: ikila emi heteti aluse kiwa kotoma:na: ikila amowa hetetima:na: mapatotakeye.

Mupapo Hokatea 18:7

Kesale amo e unuwa wapilise epelese enekeye. Eyewi nano ketea napolo musu ilima moweni sosolo wa:la:ya enekeye. Kesale amo himuwemi matanese, ‘Newa kesale sosolo kuinikeye. Kesale sopa:lawa ene e ko:lu kulusaleke ya:lese hela epapuluse, newa aluse maelakeye. Newa hela nano ketea hilila mahetetiyaposakeye. Ya:lesene mouwa Newemi maelakeye.’ Aluse matananase, napu yemiwa eyewi olokeyatela timinisene ta:peyawa epapuluse ewa oiya sosolo apula: himu nakola ya:lesewa wa:la:ya hepe amunuse kina:pa:.

2 Pita 2:18

Aputa: iyewi unuwapo wapilise mokopo solo se tiye kinise, sena kesale Yesuma hili sita:pesena:pela: ke iya:peyawa supa:na:pela: selese, “Kesale iwei tiwa ililakeye. Mane olokeyatela kalikalila timinise ililakeye.” Aluse, seyakeye.

1 Timoti 5:9

Aputa: kesale sopa:la tilila nowa, yapene talopela: tekapeipe (60) emiwa enewa, e unuwa momateyawa ililakeye. E unuwa momate tiye sesewapa:na: epela: kesale sopa:la weyamu enewa unuwa momatepa:. Kesale sopa:lawa sena semetei hapawa momateyawa ililakeye.

1 Timoti 4:3

Iyewi selese, “Kesalewa tiyapa. Apula: ma:na: nasene nokala ala:ta:pa:.” Aluse, iyewi mokopo solo se tiye kinaposakeye. Alake mokopo sowa kiyawa ta: tiyapa. Ma:na: nasewa Koteyewi Ene timiyakeye. Aluse Kotewemi himu semetei esa: matana sena kesaleyawa Kote heneye sowa matanapitekiwa, iyewi ma:na: tiye nasewa Kotema, “Napolo,” e selesekeye.

1 Timoti 5:12

Alake puwano eyewi Kelesoma selese, “Kewamopela: neyewi timinima:na:keye.” Au seyawa iya:pela: sena nowanapulu hanapita:, sena kesale nokamoke potapola: selese, “Eyewi Kelesopela: timinipesakeye, e seyawa iya:tesewa, kesaleyewi heneye hele tetakeye.” Au selaposakeye.

Mupapo Hokatea 18:3

Koiyawemiye, senayewi waine hano nase matana nanano tese matana hanosene epapuluse, sena kesale peleya: sopowemi sita:neyawa e mane olokeyatelawa timininase ili matanawa olokeyatela sopolo matanakeye. Kesale amowa sena piseiki kini peleya: sopolo sita:neyawa iwei tise sita:nekeye. Papilone sitiwemi sena kesale nano ketea musu ilima tima:na: matananase, sena sopoke pisinisi olokeyatela timinise, moweni sosolo tikeye. Ala epapuluse sena peleya: sopoke sita:neyawa pisinisi olokeyatelawa ta:pele tiyapola: tiya:sela: moweni sosolo tikeye.” Aluse hepene senayewi selesapekeye.

Mupapo Hokatea 18:9

Apula: senayewi kesale iwei tisene aluse, sena piseiki kini peleya: sopowemi sita:neyawa, sena kesale Papilone sitiwemi sita:neyawa mane olokeyatela timiyawa matanese, iyawala olokeyatela timiyakeye. Timiya amopela: Papilone sitiwa teiyewi wa:lese, tei homatoa fiyanapita: papokeye. Potapola: iwa sosolo ya:pelese sita:nekeye.