Yudas 1:9 - Abun Scripture

⁹ Án ben sane, sarewo malaikat bi yekwesu dik yo gato gum do Mikhael yo kiket malaikat saga yeguru bok ne kiket nde. Suga nyim ne Mikhael si biris bi yekwesu duwer yu mo Musa mukri. Biris bi yekwesu ki do, ”Ji ana nai et,” wo Mikhael ki do, ”Nde re, ji ana nai et.” Sugane Mikhael yo nai sukjimnut wa kiket biris bi yekwesu nde, wo Mikhael ki sare do, ”Bere Yefun sor ete ki nan gum ibit mo sukibit gato nan ben ré.”

Yudas 1:9 Referans Kwoze

2 Petrus 2:11

Sarewo malaikat gato nggi wai kadit yeguru gato kidar suk ne, án da bi suktinggi mwa wai kadit yeguru ne, sarewo án yo kiket suk mwa neya gato gesyos ne mo Yefun Allah gwem mo gu ne nde.

Wahyu 12:7

Orete suk mwa neya mo gu ne gu yu, suk mwa ne ben sukndi su yu mone. Malaikat bi yekwesu ge dik yo gato gum do Mikhael si bi malaikat-i ben sukndi su naga ne. Naga si bi malaikat-i waii futma wa gu Mikhael si bi malaikat-i.

1 Petrus 3:9

Ye yi ben sukibit ma nai nin yo, nin ben sukibit satu nde. Ye yi kabor nin gum ibit yo, nin kabor ye ne gum ibit satu dom nde, wo nin ndekwa Yefun Allah ben sukndo satu su ye ne sor. Yefun Allah fro nin wa nin ben nin bi suk-i sane, subere Yefun Allah waii ben sukndo su nin dom sagato An tom ne.

1 Tesalonika 4:16

Bere malaikat bi yekwesu dik yo saiye nggi, ete yé jam Yefun Allah bi trompet ba, subere yé jam do, Yefun Yesus ma it anane. Orete Yefun Yesus dakai is ma kadit gu. Yefun Yesus is ma, ete ye gato onyar kem mo Kristus gato kwop nyim ne yo, Yefun sun yé mwa ne, ete yé mwa ne it mu nyim mo gu.

Markus 15:29

Yé gato mu waiket nat ne án kabor Yefun Yesus, án bagriket Yefun Yesus ete án juwai án su, ete án siker Yefun Yesus do, ”Nan gato ki do, Nan tarak Yefun Allah bi nu, ete Nan nggo or satu su kam gri rek,