Yudas 1:8 - Abun Scripture

⁸ Sane dom, yeguru gato misyar Yefun gato ji krombot ré, yé ne bi sukjimnut-i kas muya-muma, án ben siri daret, án dakai ben án kaim ibit su ne, án bariwa jammo Yefun Allah bi sukdu-i, ete án kiket suk mwa neya gato gesyos mo gu gato gum kok ne.

Yudas 1:8 Referans Kwoze

Ibrani 13:17

Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.

1 Petrus 2:17

Nin ben sukndo su yetu mwa ne sino sor. Yé gato onyar kem mo Yesus Kristus, án si nin tepsu yedik mo Yefun Allah bi rus-i, sane nin bi sukjimnut sye kas subot án et. Nin jammo Yefun Allah. Nin jammo suk gato pemerintah bi padosye ki ne dom.

1 Timotius 1:10

yekra gato ben siri su nggon daret si nggonkra gato ben siri su ye daret e; yebris si yebris gato ben siri su yu e; nggon si nggon gato ben siri su yu e; ye gato but pakwerut ete so mo ye yi e; ye gato kidar suk e; ye gato ki do, án sa, bi sukdu-i sangge, ondewo án syeret os wa nje e; ye gato ben suk siri kadit Yefun Allah bi sukduno gato sangge e ne. Ye krom Yefun Allah bi sukduno ne wa yé mwa gato ben sukibit sane, subere án jammo sukduno ne et.

Suk Gato Yerasul Ben Ne 23:5

Sane Paulus ki do, ”Ji bi nji, ji jam nde yekwesu gato gum kok wai mo Yefun Allah bi nu anare. Ji ki sa gado ne siri re, we Musa bi sukduno duwe do, ’Men ki sukibit ket men bi yekwesu nde.’ ”

1 Korintus 3:17

Ye to ben Yefun Allah bi nu ibit su sukduno gato siri kadit Yefun Allah bi sukduno ne it yo, bere Yefun Allah dom ben ye ne ibit, we nu ne Yefun Allah fro dor wa Yefun Allah bi suk-i sor. Nin anato tepsu nu ne.

1 Tesalonika 4:8

Sane ye gato bariwa sukduno ne it yo, án bariwa yetu bi sukduno-i nde, wo án bariwa Yefun Allah bi sukduno-i. Yefun Allah anato bok An Gen mo nin, sane nin bariwa An bi sukduno-i nde.

Suk Gato Yerasul Ben Ne 7:39

Sarewo men bi amui bariwa jammo sukduno gato Musa ki ne. Án misyar Musa, án mitwa án brek satu mu mo bur Mesir.

Suk Gato Yerasul Ben Ne 7:27

Musa da ki sane, sarewo ye we sye gato gu bi nji ne bam Musa mo nden kadit, ye we sye ki do, ’Je u anato bes nan tepsu men bi yekwesu ne? Je u anato bes nan tepsu yepasye gato kibot men bi sukmaskwa ne?

Lukas 19:14

Sarewo yé mo bur ne bariket yepasye ne. Sane yé syogat yé bok yo mu boribot an subere yé bok ne ki nai yekwesu mone do, ’Men bariwa nan bes ye ne gum yeraja wa jowa men mo men bi bur-i.’

Lukas 12:11

Yé gwat nin mu mo ye Yahudi bi nu ari e, mo yesukmise, mo yepasye gwem wa yé ndobot nin mone yo, nin jimnot teker subot suk gato nin ki nai nje mone nde. Nin nokwa teker nde,

Lukas 11:25

Semda do mu kom mone sa, an me ye ne tepsu nu gato ye fre kwo, ete ye fro suk mwa mone sisu ndo it.