Yudas 1:7 - Abun Scripture

⁷ Sane dom, suga nyim tuya yé gato kem mo kota Sodom si kota Gomora si kota bok yo gato karo mone, án ben án bi suk-i ne ibit sato malaikat gane ben bi suk-i ne ibit dom. Ye Sodom si ye Gomora ne da bro wa ben siri su nggon e, yebris da bro wa ben siri su yu e, nggon da bro wa ben siri su yu e ne. Sane anato Yefun Allah syo bot git án sino or wé mone. Án sino ku sukye ne subere men sino me mone, ete men nyuwa bot gesyos git men tepsu bot git ye Sodom si ye Gomora mo sukibit gato án ben ne.

Yudas 1:7 Referans Kwoze

2 Petrus 2:6

Sane dom tomga nyim tuya Yefun Allah syo sukye nai nje mo kota Sodom si kota Gomora. An syo bot git kota we ne or wé. Yefun Allah syo sukye subere An kadum do, bere An syo sukye nai yé gato bariket Yefun Allah digane.

Lukas 17:29

Wo su kam gato Lot mu kadit kota Sodom ne, yé mwa ne gensu, we su kam gane Yefun Allah syo bot si jok ges kadit gu git yé mwa mone kwop or sino.

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

1 Korintus 6:9

Ye gato ben sukibit ne gum yo sok mo Yefun Allah bi rus-i nde, nin jam sukdu ne bado, nde tó e? Nin jam sukdu ne, sane nin dakai kidar nin dakai nde, Yefun Allah bariwa nai ye gato ben bi suk-i ibit sok mo An bi rus-i, sato ré: yebris si nggon gato ben siri su yu daret e, ye gato som sukdaret e, yekra gato ben siri su nggon daret si nggonkra gato ben siri su ye daret e, yebris gato iwa ben siri wa meret sugum e, yebris gato ben siri su yu e,

2 Petrus 3:7

Sarewo su ré Yefun Allah ki sukdu subere mewa gu nim si bur ré sane sor kom mo kam gato An syo bot git suk mwa gato kem mo bur ré si gu nim ne wé re. Sane su ré, An mewa gu nim si bur ré sane sor kom mo kam gato An syo sukye nai yé gato bariket Yefun, ete bere An ben yé ne ibit mo koirut or re.

Matius 11:24

Sarewo Ji ki sare do, su kam gato bere Yefun Allah ma ndobot yetu mo bur ré sino, nin ku sukye wai kadit yé mo kota Sodom ne o re.”

Matius 10:15

Suk gato Ji ki ré suksangge anare, su kam gato bere Yefun Allah ma ndobot yetu mo bur ré sino, yé mo kota ne ku sukye wai kadit yé mo kota Sodom si Gomora gato Yefun Allah syo bot git wé mo sukibit gato yé mone ben ne.”

2 Tesalonika 1:7

Sane su kam gato men bi Yekwesu Yefun Yesus si malaikat gato nggi is ma kadit gu kadum nggwa nai men yetu, sugane Yefun nai nin si men sino wé kadit sukye gato yé gane ben nai men ne.

2 Tesalonika 1:8

Bere Yefun Yesus si malaikat ne is ma, án gwat bot gato ru sye kadit gu ne ma wa án ben sukye nai yé ne. Án syo sukye nai yé gato misyar Yefun Allah. Án syo sukye nai yé gato bariwa simo os ndo gato men bi Yekwesu Yesus Kristus kak ne.

2 Petrus 2:2

Yeguru bok ne ben án dakai ibit mone, sarewo bere yé mwa simo yeguru bi os-i. Bere yé mwa iwa ben siri su nggon e, yé mwa ben sukibit ket kwayo-kwayo e ne tepsu yeguru ben ne. Sane bere ye yi neya kiket Yefun Allah bi sukduno-i gato sangge ne do, sukduno ne ibit o re.