Yudas 1:6 - Abun Scripture

⁶ Sane dom, suga nyim tuya, malaikat gato ben bi suk-i tara kadit suk gato Yefun Allah fro wa án ben ne sor án mu kadit án bi nat-i ne sa, Yefun Allah rai án su bus gato kem krat to kapyo mato kapyo, ete Yefun Allah grem án mo pe gato ndu mo bur desnak re. Án kem mone sor kom mo kam sye gato Yefun Allah ma ndobot yetu mwa ne sino, ete su kam ne bere Yefun Allah bare malaikat gane mo bot gesyos re.

Yudas 1:6 Referans Kwoze

2 Petrus 2:4

Bere Yefun Allah syo sukye nai án mo sukibit gato án ben ne, we suga nyim tuya Yefun syo sukye nai malaikat si nje mwa neya mo sukibit gato yé ben ne re. Malaikat gato ben sukibit, Yefun Allah yo misyar nde, wo Yefun syo sukye nai malaikat ne it. Yefun bare malaikat ne mo pe gato yé wai o re. Yefun Allah rai án ete bok án mo pe gato ndendu yut mo bur desnak kret kam gato Yesus Kristus satu ma ndobot men yetu si malaikat sino. Tepsu kam gane bere An syo sukye nai malaikat ne dom.

Efesus 6:12

Yeko gato ma wa gu men ne, án yetu nde, wo yeko ne anato suk gato i-mok mó gato werwa jom yetu mo bur ré sato: yerom e, aboksye e, malaikat ibit gato bi suktinggi mo gu nim ne si bur ré e ne. Biris mwa ne sino iwa meret os wa ben men brek wé kadit Kristus bi os-i.

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Matius 8:29

Semda ben ye we ne saiye ket Yefun Yesus do, ”Yefun Allah bi Gan, Nan ma ku men wa suma ne? Men yo kom mo kam gato Yefun Allah ma ndobot men yetu nde tó, ete Nan ma wa ben sukye nai men su mit ré bado?”

2 Petrus 2:9

Sane men me mone do, ye gato ben suk tepsu Yefun Allah mit do ku sukye yo, Yefun sa, owa nai yé ne wé kadit sukye ne re. Sane dom, Yefun Allah owa syo sukye nai yé gato ben sukibit ne sor kom mo kam gato An ndobot men yetu mo bur ré. Yefun rai yé gato bariwa ben suk tepsu Yefun mit ne yei, Yefun syo sukye nai yé ne sane sor kom mo kam gato An ndobot yetu mwa ne sino, bere An syo sukye mwa wai nai yé gane o re.

Ibrani 10:27

Ye gato jam sukdu gato sangge, ete ben suk siri kadit Yefun Allah mit gat sor yo, ye ne yo ku os o nde, wo an kwabom dek subot suk gato bere ri ma Yefun Allah ndobot an mone. Bere an kwabom dek subot Yefun Allah bi sukmaskwa gato tepsu bot gato ru sye. Bot sye ne bere git yé gato bariwa jammo Yefun or wé re.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Wahyu 20:10

Orete biris bi yekwesu gato ben kidar yé mwa ne, Yefun am mu ngga mo bot sye gato tepsu em ete ru sye basmi kwik su belerang. Yefun Allah am biris bi yekwesu mo nat gato Yefun am suge doketke si suge kedowe, gato tepsu yenabi gato kidar nje ne, nyim wé re. Mo bot ne, biris bi yekwesu e, suge doketke si yenabi ne ku sukye ete dipa su noru nombrak sane sor to kapyo mato kapyo.

Matius 10:15

Suk gato Ji ki ré suksangge anare, su kam gato bere Yefun Allah ma ndobot yetu mo bur ré sino, yé mo kota ne ku sukye wai kadit yé mo kota Sodom si Gomora gato Yefun Allah syo bot git wé mo sukibit gato yé mone ben ne.”

Roma 2:5

Sarewo nin su krat ware, nin dabe go nit teker ware, sane ben sato nin sum sukye mwa wai o wa nin dakai ku mone. Bere nin ku sukye ne su kam gato Yefun Allah ma ndobot men yetu. Bere Yefun Allah ndobot men yetu mwa ne sino sisu ri-roi sor, tepsu suk gato men ben ne. Bere Yefun bi sukmaskwa ne bor mo sukibit gato men yetu ben ne, bere yé mwa ne ku sukye mone or re.

Yudas 1:13

Án tepsu sem nap sye wai gato sam sukkwik si i-bre mu bare mo nden. Sukkwik ne tepsu sukibit gato án ben ne, án nutbot sisu ndo yo, bere án damen mone, wo án yo nutbot sukibit gato án ben ne nde. Án tepsu bí gato waiyu muya-muma mo gu nim ne, sarewo án mu siri kadit pe gato Yefun Allah fro wa án muket ne. Sane anato bere Yefun Allah fro nat gato ndendu yut wa án kem mó to kapyo mato kapyo.

Wahyu 20:2

Malaikat but naga, gato ben bi suk-i tepsu kwis kadit nyim tuya gato biris bi yekwesu, gato ye kendo gum do Iblis ne. {Naga ne ka sa nggor bin, sarewo kaim ne sye wai o re.} Malaikat but naga ne ete rai su bus sor kom mo tahun ribu dik.