Yudas 1:4 - Abun Scripture

⁴ we, su ré ji jam do, yetu ge bok yo gato misyar Yefun Allah da ma fros men mo nu ari re, sarewo men jam nde án si men mone. Yefun Allah bi sukdu-i subot os ndo gato An fro wa men ne, yé ne brek sukdu ne tara kadit bi sukjimnut gato sangge ne or re, subere án ku os wa án dakai ben siri su nggon ket án í sor. Án bariket men bi Yekwesu ka dik ne sor. Án misyar Yesus Kristus gato gum kok sye wai o re. Sane kam sari ne ma án ku sukye tepsu ye krombot mo Yefun Allah bi sukdu suga nyim tuya re.

Yudas 1:4 Referans Kwoze

Galatia 2:4

Sarewo ye deyo werwa ye bi sunat Titus. Yé ne ben kidar do, án si men ye gato onyar kem mo Kristus tepsu dik sino, sarewo án mit-i tara kadit men mit-i re. Án syeret os wa jam suk gato men ben ne kom mo mit. Men yo jambot sukduno gato rok ne o nde, we men sok mo Yesus Kristus bi rus-i. Sane án syeret os wa jam suk gato ben anato men yo jambot sukduno gato rok ne o nde. Yé ne iwa meret os subere tik men sino brek satu ma tepsu pakwerut wa sukduno rok ne o re.

2 Petrus 2:10

Yé gato ku sukye wai anato yé gato sibot sukjimnut gato tik án mit wa ben sukibit bu ne. Yé ne iwa ben sukibit ket kwayo-kwayo petok sor, án bariwa Yefun Allah jom án re. Án bariwa jammo Yefun re. Án bariwa jammo yekwesu mwa neya sino re. Yeguru gato kidar suk gane, án mise. Án bes án nggwa kok. Án bes án nggwa kok anato án kiket suk mwa neya gato gesyos mo gu gato gum kok ne, án yo nyuwa dom nde.

1 Yohanes 2:22

Je u anato kidar suk ne? Ye gato kidar suk bere ki sato ré do, Yefun Allah yo bes Yefun Yesus gum Kristus nde. Yefun Allah yo syogat Yefun Yesus ma mo bur ré wa ós men yetu nde. Ye gato ki sukdu sane anato tepsu yekwesu mo yeko wa Kristus. Ye ne bariket men bi Ai, Yefun Allah si Yefun Allah bi Gan ne sino.

1 Petrus 2:16

Nin kem mo bur ré yo, Yefun Allah nai nin wé kadit sukibit jom nin o nde. Sane nin tepsu pakwerut wa sukibit nde. Sarewo nin ki do, ”Sukibit yo jom ji o nde, sane ji dakai ben sukibit wokgan ket ji í ne sor re,” yo, sukjimnut sane bere siri re. Nin nai sukjimnut sane nde, wo sukibit yo jom nin o nde, sane nin bi nin nggwa mo Yefun Allah tepsu Yefun Allah bi pakwerut wa ben Yefun bi suk-i sor.

1 Petrus 2:8

Sane dom, ”Bere yé gwes ti mo jok ne, bere jok ne wai nje, ete yé ges mone.” Yé gato kwabom kam mo jok ne nde, án yo jambot Yefun Allah bi sukdu-i nde anato án gwes ti mo jok ne. Án ku sukye mone tepsu pe gato Yefun Allah dakai fro wa án re.

2 Timotius 3:6

Ye gato ben bi suk-i sane mu sok os ibit bot nu pare, ye jam nde re. Án kidar nggon gato bi sukjimnut yo nggi nde. Nggon gato ben sukibit mwa, gato bi sukjimnut kas ram mo suk mwa gato ibit ne, án kidar sane sor nggon ne jammo án bi os-i re.

Galatia 5:13

Ji bi nji, ji bi nyanggon, sangge, Yefun Allah nai nin tepsu An bi pá-i subere ye Yahudi bi sukduno-i yo jom men tepsu pakwerut o nde, wo men sok mo Yefun Allah bi rus-i it. Men sok mo Yefun Allah bi rus-i tepsu An bi pá-i orete yo, men nut do, ”Ré ne ji tepsu Yefun bi pa-i it, sane ji ben sukibit ket ji i ne sor,” sane bere siri re. Men ben sane nde, wo men bi sukjimnut sye kas subot yu sor, men ben sukndo su yu sor.

2 Petrus 3:7

Sarewo su ré Yefun Allah ki sukdu subere mewa gu nim si bur ré sane sor kom mo kam gato An syo bot git suk mwa gato kem mo bur ré si gu nim ne wé re. Sane su ré, An mewa gu nim si bur ré sane sor kom mo kam gato An syo sukye nai yé gato bariket Yefun, ete bere An ben yé ne ibit mo koirut or re.

Yudas 1:15

wa ndobot yetu mwa ne sino yo, bere Yefun ndobot yé gato bariket Yefun mo sukibit gato án ben ne. Bere Yefun ndobot án mo sukdu mwa gato án kiket Yefun ne, eteyo bere Yefun bare án mo bot gesyos or re.”

1 Petrus 4:18

Mo Yefun Allah bi sukdu, ye krom sare do, ”Ye gato ben sukndo tepsu Yefun Allah mit ne titi fro wé kadit sukye kom mo pe gato ndo ne yo ndaf nde, wo os ne yé re; sane ye gato bariket Yefun, ete ben sukibit mwa ne te, bere sa u ne? Bere án ku sukye wai kadit ne o re.”

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

Suk Gato Yerasul Ben Ne 15:24

Men jam do yetu ge bok yo mu kadit men mo Yerusalem re. Yé bok ne mu duno nin su sukduno gato ben nin nalar mó re. Men yo syogat yé bok ne mu duno nin sane nde. Án dakai mu ki sukdu tepsu án dakai bi sukjimnut-i.

Suk Gato Yerasul Ben Ne 11:23

Barnabas mu kom motu sa, an me sukndo gato Yefun Allah dakai ben su yewis yi gato onyar kem mo Yefun Yesus mone. An me do, Yefun Allah ós yé ne ben suk tepsu Yefun Allah mit. Barnabas mit iwa suk gato an me ne. Barnabas ki do, ”Nin mit dik wa Yefun Yesus sor, nin brek kadit Yefun Yesus bi os gato ndo ne nde.”

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Matius 13:25

Su noru dik yo, yé mwa ne sino sem sa, ye gato bariket yenggras ne ma ete am es bo mo mbet gro miten mo nggwe ne, orete ye ne mu kadit re.

Wahyu 15:4

Yé mwa ne sino nyuwa Nan we, Yé mwa ne bes Nan gum kok we, Nan sor ete tara kadit men yetu ne o, Nan sor ete gum kok wai ne o. Yetu mo buryo-buryo sino som Nan we, Yetu ma bes Nan gum kok we, Sukndo ga Nan ben ne bor sino o, Yé mwa ne me sino o.”

1 Timotius 5:8

Ye gato yo mewa an bi nje mo sukye gato yé ne ku nde, tepsu an misyar Yefun bi sukduno-i it anane. Sane dom, ye gato yo mewa an dakai bi rus-i nde anato ibit wai o re, an ben an bi suk-i ibit wai kadit ye gato jam nde Yefun.

2 Timotius 2:12

Kapre men ku sukye, men misyar Yefun nde, wo men simo An pe sor, sane yo, bere men si An tepsu yekwesu sino. Men do rewa An yo, bere An rewa men dom.

2 Petrus 2:7

Sarewo Yefun Allah nai Lot wé kadit bot ne, we Lot ben bi suk-i ndo tepsu Yefun Allah mit sor. Lot jimnutbot yé gato ben sukibit mwa mone teker sane sor Lot kaim rere su, we yé mwa ne iwa ben siri su yu petok sor.

Yudas 1:18

Yerasul bok ne ki nai men do, ”Karowa kam gato Yesus Kristus satu ma mo bur ré it yo, yé mwa gato ki nin gum ibit e, sa nin mo Yefun bi sukdu-i e ne, bere mó re. Yé gane ben bi suk-i ibit ket án í sor.”