Yudas 1:16 - Abun Scripture

¹⁶ Yé gato ben sukibit ré, án iwa kibot suk gato ibit bu, án duwer yé yi daret, án ki suk gato ndo mo nde, án ki kom mo sukibit gato yé yi ben ne petok sor. Án ben sukibit ket án í sor. Án ki án bi sukdu-i, án dakai bes án nggwa kok. Án ki án bi sukdu-i, án bes ye yi gum kok subere meret os wa án ku suk kadit ye ne sor.

Yudas 1:16 Referans Kwoze

2 Petrus 2:18

Yeguru ne ki suk su án syokwet wik, án ki án bi sukdu-i, án dakai bes án nggwa kok. Sane yé gato sombok kadit os ibit sim ne, yeguru ne duno sare do, ”Men da bro wa ben siri su nggon anato ndo.” Yé gato ré ete sim titi fro kadit yé bok yo gato simo os ibit ne, yeguru duno án su sukduno daret bok yo digare, ete yeguru tik yé ne mit, subere án ges mo os ibit satu o re.

2 Petrus 2:10

Yé gato ku sukye wai anato yé gato sibot sukjimnut gato tik án mit wa ben sukibit bu ne. Yé ne iwa ben sukibit ket kwayo-kwayo petok sor, án bariwa Yefun Allah jom án re. Án bariwa jammo Yefun re. Án bariwa jammo yekwesu mwa neya sino re. Yeguru gato kidar suk gane, án mise. Án bes án nggwa kok. Án bes án nggwa kok anato án kiket suk mwa neya gato gesyos mo gu gato gum kok ne, án yo nyuwa dom nde.

Filipi 2:14

Mo suk sino gato nin ben yo, nin nuk ye yi gum daret nde, nin da nyar ket ye yi ete nin dumu su nde, nin duwer yu nde.

1 Petrus 4:2

Sane nin kem mo bur ré yo, nin benbot suk gato Yefun Allah mit iwa ne kadit suk gato yetu iwa ne nde.

1 Timotius 6:5

Sane yé gato bi sukjimnut ibit maskwa yu petok sor. Yé ne jam nde Yefun Allah bi sukduno gato sangge ne ware. Án nut do, án ben Yefun bi suk-i subere án ku suk mwa mone.

1 Korintus 10:10

Sane dom, men iswen Yefun sato án deyo ben nyim ne dom nde. Sugane malaikat gato gwat sukkwop ne ma gu án gato iswen Yefun kwop or.

Yudas 1:18

Yerasul bok ne ki nai men do, ”Karowa kam gato Yesus Kristus satu ma mo bur ré it yo, yé mwa gato ki nin gum ibit e, sa nin mo Yefun bi sukdu-i e ne, bere mó re. Yé gane ben bi suk-i ibit ket án í sor.”

2 Petrus 3:3

Sukdu kwa dik yo gato nggi wai wa nin napawa anare: Karowa kam gato Yesus Kristus satu ma mo bur ré yo, bere yé mwa gato ben sukibit bu ne, yé mwa ne ma o. Yé mwa ne ben sukibit ket án í ne sor. Yé ne bere kabor nin, ki nin gum ibit, ete sa nin mo gato nin nut do bere Yesus Kristus satu ma mo bur ré.

1 Petrus 2:11

Ji bi nji ji bi nyanggon gato ji jimnotku, nin tepsu yedamok gato muya-muma mo bur ré. Sane nin jammo suk gato ji krom ré et, nin ben suk ket nin í ne o nde. Suk gato nin ben ket nin i ben sato ben sukndi su nin bi sukjimnut gato ndo mo nin mit ne.

Yudas 1:15

wa ndobot yetu mwa ne sino yo, bere Yefun ndobot yé gato bariket Yefun mo sukibit gato án ben ne. Bere Yefun ndobot án mo sukdu mwa gato án kiket Yefun ne, eteyo bere Yefun bare án mo bot gesyos or re.”

1 Petrus 1:14

Nin jammo Yefun Allah sisu nin mit dik si nin onyar dik et. Suga nyim ne nin jam Yefun Allah nde tó, nin ben nin bi suk-i ibit ket nin í sor, wo su ré nin ben suk saga nyim ne o nde.

Galatia 5:16

Sane ji bi sukdu-i sare do, men nai sukjimnut dik do, suk gato Yefun Allah Gen kiwa men ben ne yo, men benbot petok sor. Wo sukjimnut gato tik men mit wa ben sukibit tepsu yetu mwa ne sino iwa ben ne yo, men yo benbot o nde.

Yohanes 6:61

Yefun Yesus dakai jam do, An bi pakon duwer yu mo sukdu gato An ki ne. Sane Yefun Yesus ki nai án do, ”Te, nin maskwa Ji mo sukdu gato Ji ki ne bado?

2 Timotius 4:3

Nan duno nje gat sor, we kapyo tak bere yé bariwa sukduno gato sangge, wo yé iwa yé jam sukduno gato tepsu án mit sor. Bere án sum yeguru bok yo gato duno án su sukduno gato án iwa án syaretwa ne sor re.

1 Tesalonika 4:5

Nin da bro wa nggon tepsu ye gato jam nde Yefun da bro ne nde.

Galatia 5:24

Ye gato sok mo Yesus Kristus bi nje-i it yo, ye ne bare sukjimnut gato tik an mit wa ben sukibit ne or wé kadit an re. Sukjimnut ne ben sato an mban mo kwesukwin, ete sukjimnut ne kwop or wé kadit an. An yo iwa ben suk ket an i o nde. Suk gato tik an mit wa an ben sukibit ne an bare wé re.

Yohanes 6:41

Yefun Yesus ki bi sukdu-i saresa, ye Yahudi duwer Yefun mo sukdu gato An ki sare do, ”Ji anato tepsu sugit gato is kadit gu ma.”

Lukas 19:7

Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”