Yudas 1:12 - Abun Scripture

¹² Yé gato ben bi suk-i sato yé bok ne, án si nin sum wa git sugit sino sa, án ben nin sino gum ibit mo sukdaret gato án ben ket án í mone sor, tepsu án jam nde án nggwa re, án yo damen dom nde. Án nutbot án dakai sor re, án yo nutbot ye yi nde re, tepsu ye gato mewa suksi, wo án dakai nai sugit wa án dakai sor, án yo syo sugit nai suksi ne nde, wokgan yo dom nde. Án tepsu nyotem gato nofuf sam ma, ndendu, men nut do bere nogi, sarewo nogi yo mo nde. Men nut do, bere án ós men tepsu nogi os men, sarewo suk yo mo nde. Án tepsu kwe gato bi aina tep wa bo, sarewo kwe ne yo bo mo nde. Men nut do, bere án syo suk gato ndo nai men, wo suk yo mo nde. Án tepsu kwe gato yé tik i-brot buk kadit bur re, sane bere kwe ne te re, yo kom o nde it. Án tepsu suk gato men nut do ndo wa ós men, ondewo suk yo mo nde.

Yudas 1:12 Referans Kwoze

Matius 15:13

Sane Yefun Yesus kibot Ye Farisi si bi sukdu-i sare do, ”Sukjan gato Ji bi Ai mo gu yo jan nde, bere An tik buk wé re.

Filipi 3:19

Kom mo rut, bere Yefun Allah ben án ibit re, we án bi sukjimnut sye mo án kaim budat ré sor re. Án jam nde án damen mo sukibit gato án ben ne, ete án nut do, suk ne ndo wai, we án bi sukjimnut kem pe mo sukibit gato yetu ben mo bur ré sor re.

Efesus 4:14

Sane bere men bi sukjimnut tepsu pa wokgan o nde. Yé gato werwa ben kidar men su bi sukduno gato siri, án syeret os wa men, sarewo bere yé ne yo ku os wa tik men muya-muma saga sem bak si nofuf gwat kwem muya-muma ne o nde.

Lukas 21:34

”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

Lukas 8:6

An do am mbet gro sa, mbet gro deyo o ges mo bur ka gato jok mwa. Mbet nggwar kom mo bur ka ne sa, bergan mbet nggwar te re, we bur ka ne sá teker.

Yakobus 5:5

Nin yé gato ku suk mwa, nin kem mo bur ré si suk mwa ne not re. Nin ben suk su suk mwa ne ket nin í ne sor. Ben sato nin kon nin nggwa su suk mwa ne tepsu ye kon suksi sane sor suksi ne kaim ndo. Su ré nin tepsu suksi gato kaim sye ndo, tep wa ye gu kwop or re.

1 Timotius 5:6

Sarewo nggonna gato ben bi suk-i ket mom í sor, mom da mbau, sarewo Yefun Allah bi sukjimnut mo nggon ne do, nggon ne kwop re.

Lukas 16:19

Yepasye ge dik yo, an ye gato bi suk mwa yé re. Yepasye ne kem ndo, an it san gato ndo. Kamdik-kamdik, an git sugit gato ndo yé re, suk mwa ne ndo sino.

Lukas 12:45

Wo sato pakwerut ne nut mo pa dakai do, ’Ji bi yenggras, nam ete bere ma,’ ete pa ne kwam pakwerut yi ne daret e, pa ne kwam nggon kwerut mo nu ne dom, ete pa git sugit sor, pa da nau, an yenau bu e ne.

Markus 4:6

Sarewo kam it, orete kam gat mbet nggwar ne ndo nde. I-brot ne yo kom kru nde, sane bergan mbet nggwar ne te re.

Matius 13:6

Sarewo kam it, orete kam gat mbet nggwar ne ndo nde. I-brot ne yo kom kru nde, sane bergan mbet nggwar ne te re.

Ibrani 13:9

Sane men jammo sukdu daret gato tara kadit Yefun Yesus bi sukdu-i ne nde, sawe sukdu ne gwat men mu mo os siri kadit Yefun bi os-i. Sa ndo sa, men nutbot sukndo gato Yefun Allah ben su men dakai yi sor. Sane bere men bi sukjimnut nggi, wo sukduno daret subot sugit e neya bere yo ós men nde. Ye gato simo sukdu ne yo kom mo pe yo dom nde.