Yohanes 9:7 - Abun Scripture

⁷ Yefun Yesus ki nai ye ne do, ”Nan mu, nan mus nan gro mo syurgun Siloam et!” (Siloam su a Ibrani bi sukjimnut do, ’Ye syogat ma.’) Sane ye ne mu, an mus an gro mone, orete an satu mo nu sa, an gro gan rer, ndo it.

Yohanes 9:7 Referans Kwoze

Yohanes 11:37

Sarewo ye deyo ki do, ”Ye ne ben ye gato gro ndu, me suk sisu ndo satu mó re. Wo suma ben to An yo ós Lazarus subere Lazarus yo kwop nde ne?”

Yohanes 9:11

Ye ne ki do, ”Ye gato yé kendo do Yesus fros burdat war, ete An es mo ji gro bak. Orete An ki nai ji do, ’Nan mu mo syurgun Siloam, nan ambru syur mo nan gro et.’ Sane ji mu mus ji gro or sa, ji me suk sisu ndo it.”

Suk Gato Yerasul Ben Ne 26:18

subere nan ki sukdu subot Ji kak án bi sukjimnut, subere án kwet kadit ndendu bi os-i ete brek ma simo os gato ndo ne sor. Ji syogat nan mu mo án, subere án misyar yerom e, aboksye e ne bi suktinggi-i ete brek ma jammo Yefun Allah bi suktinggi-i. Án onyar kem mo Ji, sane bere Yefun Allah ki do, sukibit gato án ben ne or kadit án, Yefun Allah yo nutbot o nde. Sane dom, án gum sok mo Yefun Allah bi rus-i.’ ”

Lukas 13:4

Sane dom, men nut subot yetu ge musyu dik sop munggwo gato nu syu é ma gwa kwop mo Siloam ne. Nin nut do yé ne ben sukibit mwa wai kadit ye yi neya gato kem mo Yerusalem ne bado?

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.

Roma 8:3

Sukjimnut gato tik men mit wa ben sukibit ne jom men yetu. Sane anato ye Yahudi bi sukduno-i yo nggiwa ós men nde. Sane Yefun Allah fro bi os-i tara re. Yefun Allah syo An bi Gan ma mo bur ré su kaim ka sa men yetu kaim. Yefun Allah syo An bi Gan ma wa bi nggwa tepsu suktot wa men subere kak sukjimnut ibit ne wé kadit men re.

Yohanes 10:36

Sane Ji anato yefun digane dom. Ji anato yefun sor nde, wo Ji anato Yefun Allah bi Gan gato Yefun Allah bes ete syogat ma mo bur ré re. Sane ben sa u anato nin ki do, Ji kiket Yefun Allah gum ibit mone ne? Ji ki sukdu ne sangge sor.

Yohanes 9:39

Yefun Yesus ki do, ”Ji ma mo bur ré subere Ji ben yetu tara kadit yu. Sane bere ye gato gro ndu mo Yefun bi suk-i, bere an me suk sisu ndo satu, wo ye gato nut do, án sa, gro ndo mo Yefun bi suk-i yo, bere án gro ndu or re.”

Lukas 2:32

Bere Pa ré tepsu sukru gato rer ku os wa yewis yi gato jam nde Yefun, Pa ki rer subot Nan, Yefun Allah bi os-i, subere yewis yi ne jammo Nan. Bere Pa ré ben Nan bi rus-i, gato ye Israel ne, subere án gum kas mo yé mwa neya re.”

Matius 11:5

ye gato gro ndu, gro ndo satu; ye gato gwes út, mu ndo satu; ye gato i su suki borbuk, ge, án kaim ndo satu; ye gato dabe mbut, án dabe rer satu; ye gato kwop, mbau satu; ye gato yewa suk, án jam sukdu subot os ndo gato Yefun Allah fro wa yetu ne.