Yohanes 9:6 - Abun Scripture

⁶ Yefun Yesus ki bi sukdu-i ne or sa, An sukut mo bur, orete An waiyu An sopkwa mo bur gato An sukut mone. An nai burdat war ne, ete An es mo ye gato gro ndu ne gro bak.

Yohanes 9:6 Referans Kwoze

Markus 8:23

Sane Yefun Yesus syimtok ye gato gro ndu ne syim, ete Yefun Yesus gwat yebris ne mu mo kampung de nden. Yefun Yesus si yebris ne mu kom mone sa, Yefun Yesus sukut mo ye ne gro, orete Yefun Yesus grem syim mo ye ne gro. Yefun Yesus grem syim mone, orete An ki nai yebris ne do, ”Te, nan me suk it bado nde tó e?”

Markus 7:33

Yefun Yesus si yebris ne mu ko gan kadit yé mwa, ete Yefun Yesus bok An sopkwa mo ye ne dabe wak we. Or o Yefun Yesus sukut mo An sopkwa, ete Yefun Yesus syimbot ye ne brip.

Wahyu 3:18

Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Yohanes 9:11

Ye ne ki do, ”Ye gato yé kendo do Yesus fros burdat war, ete An es mo ji gro bak. Orete An ki nai ji do, ’Nan mu mo syurgun Siloam, nan ambru syur mo nan gro et.’ Sane ji mu mus ji gro or sa, ji me suk sisu ndo it.”