Yohanes 9:4 - Abun Scripture

⁴ Ji kem mo bur ré su nombrak tó, sane men ben suk tepsu Ye gato syogat Ji ma more ki ne. Men ben An bi suk-i su nombrak. Noru it yo, men yo ben suk yo o nde.

Yohanes 9:4 Referans Kwoze

Yohanes 12:35

Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re.

Efesus 5:16

Su ré, yé ben sukibit mwa, wo nin ku os wa nin ben suk gato ndo yo, nin werwa nin ben sor.

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

Galatia 6:10

Sane os yo kak wa men it yo, men ben sukndo su yé mwa ne sino. Yé gato si men onyar kem mo Yefun Yesus ne yo, men werwa men ben sukndo su án wai kadit ye yi neya et.

Yohanes 17:4

Ji ben suk mwa gato Nan kiwa Ji ben ne sino anato yé mwa mo bur ré bes Nan gum kok sye wai o re.

Kolose 4:5

Nin ben suk su ye gato yo onyar kem mo Yefun nde tó yo, nin nutbot suk gato nin ben ne sisu ndo et. Nin kamo su án sor nde, wo nin werwa nin ben suk su án subere án waii jammo Yefun et.

Yohanes 5:36

Yohanes ki bi sukdu-i subot Ji mó re, sarewo suk mwa ne sino gato Ji bi Ai syogat Ji ben more kadum rer wai kadit sukdu ne do, Yefun Allah anato syogat Ji ma mo bur ré re.

Yohanes 10:32

Sarewo Yefun Yesus ki nai án do, ”Ji bi Ai syogat Ji ben suk mwa gato ndo, gato ben nje yeket, suk gato yetu yo nggiwa ben ne nde. Kwa u anato ben nin maskwa anato nin am Ji su jok ré ne?”

Yohanes 10:37

Ji yo ben suk tepsu Ji bi Ai syogat Ji ben ne nde yo, nin misyar Ji bi sukdu-i sor.

Suk Gato Yerasul Ben Ne 4:20

Nin dakai nut subot suk gato ndo wa men ben ne, we men ka we nut do, suk gato men ka we me su men gro si suk gato men ka we jam su men dabe, bere men ka we kibot nai ye yi jam gat sor, men ka we yo not nde.”

Yohanes 5:19

Yefun Yesus ki suk su ye Yahudi bi yepasye sare do, ”Suk gato Ji ki ré suksangge anare, Ji gato Yefun Allah bi Gan, Ji wadigan yo nggiwa ben suk nde. Ji ben suk gato Ji me Ji bi Ai ben ne ko. Suk gato Ji bi Ai ben ne yo, bere An bi Gan to Ji ré waii benbot dom.

Yohanes 7:33

Yefun Yesus ki nai yé mwa gato mo Yefun Allah bi nu ne do, ”Ji si nin kem more nam gan yo o sor re, orete Ji satu mu mo Ye gato syogat Ji ma mo bur ré re.

Matius 20:7

Yé bok ne ki do, ’Ye yo ma kendo men wa ben suk yo mo nde.’ An ki do, ’Sane, nin mu ben suk mo ji bi nggwe et.’

Markus 3:3

Yefun Yesus ki nai ye gato syim deyo út ne do, ”Nan ma ti more, mo yé mwa gwem ré et.”