Yohanes 8:9 - Abun Scripture

⁹ Yé mwa mone jam Yefun Yesus bi sukdu-i ne, orete an kadik-kadik mu kadit nat ne. Dogato ka yenggras mu nyim, or o doyi ne mu sane sor, Yefun Yesus wadigan si nggon gane ti mone tó.

Yohanes 8:9 Referans Kwoze

Roma 2:15

Sane sukwatum gato kem su án ne kadum do, ye Yahudi bi sukduno-i ne da kem mo án mit it. Sane dom án bi sukjimnut gato ndo mo án mit ne kadum do, ye Yahudi bi sukduno-i mo án mit mó re, we án ben suk siri kadit sukwatum ne yo, án bi sukjimnut mo an mit ne ki nai án do, ”Siri anane,” wo án ben suk tepsu sukwatum ne yo, án bi sukjimnut mo án mit ne ki nai án do, ”Sangge anane.”

1 Yohanes 3:20

Sane kapre men nut do men ye gato ben sukibit mwa, men yo nokwa Yefun nde, men karowa Yefun sor. Yefun Allah bi sukjimnut-i ne ko wai kadit men bi sukjimnut-i ne o re. Men jam do, Yefun jam suk mwa ne kom mo mit re.

Roma 2:22

Nin yé gato duno nje, nin ki do, ”Men ben siri su yu daret nde,” sarewo suma ben anato nin dakai ben siri su nggon ne? Nin bariket sukdaret gato ye bes gum kok tepsu yefun mo nu won, sarewo suma ben anato nin mu gitsi suk mo nu ne?

Yohanes 8:10

Or o Yefun Yesus ti ma nim, ete An ndo mo nggon ne do, ”Yé mwa gado ne mu mo u ne? Ye gato kiwa men am nan su jok mó tó bado?”

Yohanes 8:12

Yefun Yesus ki nai yé mwa mone o do, ”Ji dakai anato tepsu sukru gato rer ku nje mo bur ré. Ye gato simo Ji it yo, an yo mu su ndendu o nde, wo rer ku ye ne anato an kem ndo.”

Lukas 13:17

Yefun Yesus ki An bi sukdu ne sa, ye gato maskwa Yefun Yesus ne damen ndo nde, sarewo yé mwa nut do suk gato Yefun Yesus ben ne, suk mwa ne ndo wai o re.

Yohanes 8:2

Bi ik sidu, Yefun Yesus satu mo Yefun Allah bi nu de mo ros de mit. Yé mwa ma sum mone. Sane Yefun Yesus kem, ete An duno yé mwa mone.

Yohanes 8:3

Yeguru gato duno ye Yahudi su bi sukduno-i si ye Farisi gwat nggon ge dik yo ma. Nggon ne ben siri. Sugane yé ku rek nggon ne, ete yé gwat nggon ne ma. Án syogat nggon ne ti mo yé mwa gwem.

Yohanes 8:8

Or o Yefun Yesus ka mu bur, An krom suk yo mo bur o.