Yohanes 8:7 - Abun Scripture

⁷ Yeguru si ye Farisi ne ndogat Yefun Yesus saresa, Yefun ti ma nim ete ki nai án do, ”Nin yé bok gare, dogato ben suk gato ibit yo mo nde yo, ye ne ete am nggon ré su jok nyim et.”

Yohanes 8:7 Referans Kwoze

Kolose 4:6

Nin ki suk su yé gato jam nde Yefun yo, nin ki nin bi sukdu-i njep, nin ki sukdu gato ben yé ne mit ndo, nin ki sukdu gato tik án mit sor. Nin fro nin nggwa subere án do ndo nin subot suk yo, nin owa nin ki sukdu gato ndo satu nai án.

Wahyu 2:16

Sane nin brek kadit sukdu gato ibit ne se! Nin yo brek kadit sukdu gato ibit ne nde yo, bergan sor ete Ji futma gu nin yé gato jom sukdu ne su nyom gato ot de we gato syesyar kadit Ji syokwet.

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.

Wahyu 1:16

An jom bí ge mufit mo An syim ge. Nyom gato ot de we syesyar kadit An syokwet. An gro ru nggi tepsu kam yor sugato kam ti ri.

Yohanes 7:46

Ye gato mewa Yefun Allah bi nu ne ki do, ”Ye ne ki bi suk-i ndo yé. An bi sukdu ne tik men mit ware, men yo but An nde.”

Yohanes 8:8

Or o Yefun Yesus ka mu bur, An krom suk yo mo bur o.

Yohanes 8:10

Or o Yefun Yesus ti ma nim, ete An ndo mo nggon ne do, ”Yé mwa gado ne mu mo u ne? Ye gato kiwa men am nan su jok mó tó bado?”