Yohanes 8:44 - Abun Scripture

⁴⁴ Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Yohanes 8:44 Referans Kwoze

Suk Gato Yerasul Ben Ne 13:10

”Nan anato biris bi yekwesu bi pa-i, nan duwer nje mo suk mwa gato ndo ne bu. Nan kidar suk nggi, nan ki suk nan brek nden we. Yefun Allah bi sukdu ne sangge, wo nan ki do, sukdu ne ye kidar kaii, nan ki do, sukdu ne yo sangge nde. Yefun fro os ndo wa men yetu, sarewo nan duyawa os ne bu wa suma ne?

1 Yohanes 3:12

Men ben suk tepsu Kain nde. Kain ne sok mo biris bi rus-i. An gu an dakai bi nji dowok kwop re. Suma ben anato Kain gu an bi nji dowok kwop ne? Kain bariket an bi nji dowok mo gato an bi nji dowok ne ben bi suk-i ndo, wo Kain ben bi suk-i ne ibit.

2 Korintus 11:3

Sarewo ji nokwa sawe yé bok yo ma su bi sukdu-i, ete brek nin bi sukjimnut mu nden wé kadit Kristus o re, tepsu suga nyim tuya kwis ne meret os wa ben kidar Hawa, ete nggon ne brek kadit Yefun Allah bi os-i o re.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Yohanes 8:38

Suk mwa gato Ji bi Ai kadum nai Ji ne, Ji ki nai nin jam, sarewo nin ben suk gato nin bi ai duno nin su ne.”

Yohanes 8:41

Wo nin ben nin bi suk-i tepsu nin dakai bi ai-i ben ne.” Yé ne ki do, ”Men ré pa jan nde. Men bi ai ka dik sor, An anato Yefun Allah dakai.”

1 Yohanes 3:15

Ye gato bariket ye yi ne yo, an tepsu ye gato gu ye yi kwop. Nin jam do, ye gato gu nje kwop daret, bere an yo kem ndo to kapyo mato kapyo nde.

Matius 13:38

nggwe ne anato tepsu bur ré; mbet gro gato kom ndo anato tepsu yé gato sok mo Yefun Allah bi rus-i; es ne anato tepsu yé gato sok mo biris bi yekwesu bi rus-i.

Yudas 1:6

Sane dom, suga nyim tuya, malaikat gato ben bi suk-i tara kadit suk gato Yefun Allah fro wa án ben ne sor án mu kadit án bi nat-i ne sa, Yefun Allah rai án su bus gato kem krat to kapyo mato kapyo, ete Yefun Allah grem án mo pe gato ndu mo bur desnak re. Án kem mone sor kom mo kam sye gato Yefun Allah ma ndobot yetu mwa ne sino, ete su kam ne bere Yefun Allah bare malaikat gane mo bot gesyos re.

1 Yohanes 2:4

Ye gato ki do, an sa, an jam Yefun Allah sisu ndo, sarewo an yo benbot Yefun Allah bi sukduno-i nde yo, ye ne kidar, Yefun Allah bi sukdu gato sangge yo kem mo an mit nde.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.

Wahyu 9:11

Yoi bi yekwesu anato malaikat ge dik yo. Malaikat ne yekwesu mo kwoye sye mo bur desnak ne dom. Su a Ibrani malaikat ré gum do, Abadon. Su a Yunani malaikat ré gum do Apolion (gato bi sukjimnut do, ”Ye gato ben yetu ibit”).

Suk Gato Yerasul Ben Ne 5:3

Orge Petrus ki do, ”Ananias, ben sa u anato biris bi yekwesu bok nggwa mo nan, ete nan kidar Yefun Allah Gen sare ne? Nan ki do, sugum gato nan ku kadit nan bi bur det gato nan so anare, ondewo, nan dakai grem sugum napyo wa nan dakai. Nan kidar Yefun Allah Gen ko ré go!

Yohanes 6:70

Yefun Yesus ki do, ”Sane, Ji anato bes nin tepsu Ji bi pakon ge musyu dik sop we fe? Sarewo nin ge dik yo tepsu biris.”

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.

2 Petrus 2:4

Bere Yefun Allah syo sukye nai án mo sukibit gato án ben ne, we suga nyim tuya Yefun syo sukye nai malaikat si nje mwa neya mo sukibit gato yé ben ne re. Malaikat gato ben sukibit, Yefun Allah yo misyar nde, wo Yefun syo sukye nai malaikat ne it. Yefun bare malaikat ne mo pe gato yé wai o re. Yefun Allah rai án ete bok án mo pe gato ndendu yut mo bur desnak kret kam gato Yesus Kristus satu ma ndobot men yetu si malaikat sino. Tepsu kam gane bere An syo sukye nai malaikat ne dom.

Wahyu 13:14

Suge kedowe ré ben suk win suge doketke ne. Suge kedowe ben yetu yeket an. Yetu mwa ne me suge ne bi suktinggi bor mone anato an ku os wa ben kidar yetu mwa ne sino mo bur ré. Suge kedowe ré syaugat yetu mwa ne ut suk yo ka sato suge doketke ne gato ye sap su nyom, sarewo suge ne yo kwop nde. Suge kedowe syaugat ye ut suk yo ka sato suge doketke subere ye bes suge doketke gum kok mone. {An ben kidar yetu sane subere ye yo jammo Yefun o nde.}

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.

Matius 12:34

Nin anato kidar suk tepsu kwis jan, nin mit si nin onyar ibit, sane bere nin ki suk gato ndo sa u ne? Suk gato men ki ne bere syesyar kadit men mit si men onyar fe!

Matius 13:15

Yewis ye Yahudi gare jam nde suk, we án su krat ware, án dabe mbut it, ondesor sa, án jam suk; án gro ndu it, ondesor sa, án me suk sisu ndo; án bi sukjimnut yo nggi o nde it, onde bere, án jam sukdu ne kom mo mit ete bere án brek ma mo Ji, orete yo, Ji ben án kem ndo it.’

Yohanes 7:17

Ye gato iwa ben suk tepsu Yefun Allah mit ne yo, bere ye ne jam rer do, sukduno ne ma kadit Ji dakai, ondeyo sukduno ne ma kadit Yefun Allah, bere ye ne jam.

Yohanes 8:55

wo nin jam An nde re. Sarewo Ji dakai sa, Ji jam An re. Ji do ki do Ji jam nde An yo, Ji kidar suk tepsu nin kidar suk ne. Wo Ji jam An re, Ji benbot An bi sukdu-i.

1 Yohanes 1:8

Men do ki do, men yo ben sukibit yo mo nde yo, men kidar men dakai anane, ete Yefun Allah bi sukdu gato sangge yo kem mo men mit nde.

1 Yohanes 2:21

Ji krom surat ré wa suma ne? Ji krom surat ré we nin yo jam sukduno gato sangge ne nde bado? Sane nde, wo nin jam sukduno gato sangge ne it. Nin jam do, sukduno gato sangge ne, sukdu mone mwa ne sino sangge sor, kwa yo gato sukkidar yo mo nde.

Suk Gato Yerasul Ben Ne 24:9

Ye Yahudi gato mone waii kabor Paulus gum dom. Ye Yahudi ne ki do, sukdu mwa gato Tertulus ki ne sangge sino.