Yohanes 8:21 - Abun Scripture

²¹ Yefun Yesus ki nai ye Yahudi bi yepasye ne do, ”Bere Ji mu kadit nin. Bere nin syeret Ji ware, nin yo ku Ji nde, wo bere nin kwop mo sukibit gato nin ben ne. Bere nin yo mu kom mo pe gato Ji mu mone nde.”

Yohanes 8:21 Referans Kwoze

Yohanes 7:34

Bere nin syeret Ji ware, nin yo ku Ji nde. Nin yo ku os wa ma mo pe gato Ji mu mone nde.”

Yohanes 8:24

Sane anato Ji ki nai nin do, bere nin kwop mo sukibit gato nin ben ne. Nin bariwa sukdu gato Ji ki subot Ji dakai do, ’Ji anato Ye gato gesyos, gato Yefun Allah syogat ma mo bur ré’ yo, bere nin kwop mo sukibit gato nin ben ne re.”

Yohanes 13:33

Ji bi pá, Ji mu kadit nin it anare. Bere nin syeret Ji. Sarewo Ji ki sare do, tepsu gabere Ji ki nai ye Yahudi bi yepasye ne do, pe gato Ji mu mone, nin yo ku os wa nin mu mone nde.

Efesus 2:1

Nin ré, suga nyim nin ben sukdaret, nin ben siri kadit Yefun Allah mit, nin jam nde Yefun Allah, ben sato nin kwop kadit Yefun Allah it.

Yohanes 12:35

Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re.

Yohanes 12:33

Yefun Yesus ki rer subot os gato bere yé gu An kwop su anane. {Yé bes An kaim kok, ye mban An mo kwesukwin, orete An tik yé mwa mit anato yé mwa mit iwa ma mo An subere An ós yé mwa ne kem ndo to kapyo mato kapyo.}

Matius 25:46

Sane yé tak Ji de syim jam ne bere ges mu ngga mo bot gesyos, wo yé gato ben suk tepsu Yefun Allah mit yo, bere kem ndo to kapyo mato kapyo.”

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Matius 23:39

Ji ki sare do, kadit kam ré nin yo ku Ji o nde, sane sor tepsu kam gato nin ki do, ’Ye gato Yefun Allah syogat ma ré, Yefun Allah ben sukndo su An et!’ ”

Yohanes 7:36

Ye ré ki do, bere men syeret An, sarewo men yo ku An nde re. Men mu mo pe gato An kem mó dom nde re. An bi sukjimnut-i sa u ne?”