Yohanes 7:7 - Abun Scripture

⁷ Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.

Yohanes 7:7 Referans Kwoze

Yohanes 3:19

Yefun Allah nutbot or re. Ye yi yo iswen An mone o nde. Yefun Allah bi sukdu gato sangge ma mo bur ré re. An bi sukdu ne tepsu rer gato ku nje mo bur ré. Sarewo yetu iwa ndendu bi suk-i wai kadit rer bi suk-i, we yetu ben bi suk-i ibit wai o re.

Galatia 4:16

Ji ki sukdu gato sangge nai nin anato su ré nin bariket ji o re bado?

1 Yohanes 4:5

Yenabi gato kidar suk, án jam nde Yefun, sane án ki án bi sukdu-i ne ma kadit yetu bi sukjimnut-i sor re. Sane ye gato jam nde Yefun mo bur ré bere jambot yenabi ne bi sukdu-i.

Yakobus 4:4

Nin anato ye gato ben suk siri kadit Yefun Allah mit. Nin mit iwa bur ré bi suk-i, anato nin tepsu ye gato bariket Yefun Allah re, nin jam bado, nde e? Ye to nai sukjimnut do, an mit iwa bur ré bi suk-i anato tepsu yeko wa Yefun Allah it.

Yohanes 17:14

Ji frot Nan bi suktaru nai án, eteyo yetu mo bur ré bariket án re, we án si yetu mo bur ré yo bi sukjimnut-i tepsu dik nde. Ji dom, Ji si yetu yo bi sukjimnut-i tepsu dik nde.

Roma 8:7

Ye gato bi sukjimnut-i kem pe mo yetu bi sukjimnut ibit ne, ye ne tepsu yeko wa Yefun Allah. Ye gane yo iwa jammo Yefun Allah bi sukduno-i nde, ye ne yo nggiwa benbot dom nde.

Lukas 6:26

Nin yé gato yé mwa un ne, nin kwabom dek wa sor, we suga kam nyim tuya nin bi amui un yenabi gato kidar suk nggi dom, ete án sino ku sukye mone.”