Yefun Yesus bi nji si bi yenggras jam sukdu subot suk gato Yefun Yesus ben ne sa, án ma wa kar Yefun Yesus kadit pe ne, we án ki do, ”Semda ben Yesus it!”
Yefun Yesus bi nji mu simo kam sye mo Yerusalem, or Yefun Yesus dakai waii mu mone. Sarewo An yo kadum nggwa nai yé mwa jam nde, wo An gurik An dik kadit nje.
Karowa kam sye ne, sane Yefun Yesus bi nji ki nai An do, ”Nan mu kadit pe ré, ete Nan mu mo bur Yudea subere Nan bi pakon me Nan ben Nan bi suk-i gato ben nje yeket et.
Nan iwa yé mwa bes Nan gum yepasye, saneyo Nan mu ben Nan bi suk-i ne bor wa yé mwa me et, Nan gurik wa nde. Nan ben Nan bi suk-i gato ben nje yeket bor more, sane Nan mu Nan waii ben wa yetu mwa ne sino me o et.”