Yohanes 7:4 - Abun Scripture

⁴ Nan iwa yé mwa bes Nan gum yepasye, saneyo Nan mu ben Nan bi suk-i ne bor wa yé mwa me et, Nan gurik wa nde. Nan ben Nan bi suk-i gato ben nje yeket bor more, sane Nan mu Nan waii ben wa yetu mwa ne sino me o et.”

Yohanes 7:4 Referans Kwoze

Yohanes 18:20

Yefun Yesus ki nai yekwesu ne do, ”Ji ki ji bi sukdu rer mo yé mwa gwem petok sor re. Sagana Ji duno nje mo ye Yahudi bi nu ari e, Ji duno nje mo Yefun Allah bi nu e, mo nat gato ye Yahudi sino sum mone, Ji duno nje mo bobor, Ji yo duno nje mo bobor fo mo nde.

Lukas 6:45

Men yetu tepsu kwe mwa ne dom. Ye gato mit si onyar kwo ndo, ye ne tepsu kwe gato kom ndo. Sane kadit sukndo mwa gato an sum mo an mit ne, suk gato an ki ne ndo dom. Wo ye gato mit si onyar ibit, ye ne tepsu kwe gato kom ibit. Kadit sukibit mwa gato an sum mo an mit ne, suk gato an ki ne ibit dom re. Suk gato men ki ne bere syesyar kadit men mit si men onyar fe!”

Matius 23:5

Suk mwa gato án ben ne, án ben subere yé me suk gato án ben ne sor re, wo án mit tara re. Án it kotak wokgan mo án git si án syim yo, án ben kotak ne sye wai kadit yé yi ne, subere yé nut do, án sa, yepasye mo Yefun bi de-i. Sane dom, san yar gato yé bit mo án bi san nap ne, án ben án bi ne syu wai, subere yé nut do, án sa, yekwesu mo Yefun bi de-i.

Matius 6:5

”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Matius 6:16

”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.

Matius 4:6

ete an ki nai Yefun Yesus do, ”Nan anato tepsu Yefun Allah bi Gan sangge it yo, Nan bare Nan nggwa mu bur et, we ye krom mo Yefun Allah bi sukdu do, ’Yefun Allah syogat An bi malaikat mewa Nan. Bere malaikat ne bes án syim wa bur wa Nan, subere jok yo wai Nan gwes nde.’ ”

Yohanes 7:3

Karowa kam sye ne, sane Yefun Yesus bi nji ki nai An do, ”Nan mu kadit pe ré, ete Nan mu mo bur Yudea subere Nan bi pakon me Nan ben Nan bi suk-i gato ben nje yeket et.

Yohanes 7:5

(An bi nji yo onyar kem mo Yefun Yesus dom nde anato An bi nji ki bi sukdu-i sane.)