Yohanes 6:9 - Abun Scripture

⁹ ”Pa yebris dik yo anare, an bi an bi roti koi mek si bi boge ge we. Sarewo sugit wokgan ré tepsu yé mwa ré sa u ne?”

Yohanes 6:9 Referans Kwoze

Lukas 9:13

Sarewo Yefun Yesus ki do, ”Nin dakai anato syo sugit nai yé mwa ré git et!” Pakon ne ki nai Yefun Yesus do, ”Mban! Men bi roti koi mek si boge ge we sor re. Men bi sugit ne yo tep nde, sane Nan iwa men mu so sugit wa yé mwa ré git bado?”

Markus 6:38

Sane Yefun Yesus ndo mo An bi pakon do, ”Nin gwat roti koi ot ne? Nin mu me et!” Pakon ne mu me roti gato kwop mone, orete án ma ki nai Yefun Yesus do, ”Men bi roti koi mumek sor re. Men bi boge ge we mó dom.”

Matius 14:17

Yefun Yesus bi pakon ki do, ”Men bi roti koi mumek si boge ge we sor re.”

Matius 16:9

Nin jam nde tó, bado? Nin napawa sugato Ji syat roti koi mumek, ete nin syo nai yebris ge ribu mumek ne git bado? Sugane nin sum roti napta tepsu yu ot ses ne?

Markus 8:19

Sugato Ji syat roti koi mumek, ete nin syo nai yetu ge ribu mumek ne te, nin sum roti napta tepsu yu ot ses ne?” An bi pakon ki do, ”Tepsu yu musyu dik sop we ses.”

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Wahyu 6:6

Sugane ji jam sukdu sato yetu ki bi sukdu-i syesyar kadit suge at ne miten sare do, ”Gaji gato ye ku mo suk gato ye ben mo kam dik ne tepsu ye so gandum gato ndo tepsu kilo dik sor re. Sane dom, kam dik bi gaji tepsu ye so gandum wis yi tepsu kilo gri sor re. Gandum wis bok ne sugum sye re, sarewo nan mewa kwe zaitun si nggwe anggur subere ibit nde.”

Yohanes 11:32

Maria mu kom mo pe gato Yefun Yesus ti mone, ete mom ku Yefun Yesus sa, mom tu mom umsu mo Yefun Yesus gwem. Maria ki do, ”Yenggras, Nan si men more sa, bere ji bi nji yo kwop nde.”

Yohanes 11:21

Marta ki nai Yefun Yesus do, ”Yenggras, Nan si men more sa, bere ji bi nji yo kwop nde.

Yohanes 6:7

Filipus ki nai Yefun Yesus do, ”Men mu so roti su sugum tepsu men ben suk mu kom aina munggwo, ete men nai bi sugum ne yo, sugum mwa ne bere yo tep wa men so roti wa yé mwa ré sino git nde. Deyo ku wokgan sor re, deyo yo ku nde.”

Yohanes 6:11

Yefun Yesus nai roti gato pa yebris gwat ne, An nai sa, An ki do, ”Ndo mo Nan, Yefun Allah wa sugit gato Nan syo nai men ré.” Orete Yefun Yesus syobot yé mwa gato kem mone git sino. Orete An nai boge ne dom. Yefun Yesus ki do, ”Ndo mo Nan, Yefun Allah wa boge gato Nan syo nai men ré.” Orete An syobot yé mwa ne git sino. Yé mwa ne git sane sor yé on ge kai.

Yohanes 21:9

Pakon is kadit kwem ne mo nden sa, án me bot sit gato ru, án me ye kwas boge mo bot ne, án me roti kwop mone dom.

Yohanes 21:10

Yefun Yesus ki nai án do, ”Nin gwat boge gato nin but sim gado ne, nin gwat deyo ma more et.”

Yohanes 21:13

Orete Yefun Yesus ma karowa An bi pakon ne, Yefun Yesus nai roti ne, ete An syobot An bi pakon. Yefun Yesus nai boge dom, An syobot An bi pakon dom.