Yohanes 6:7 - Abun Scripture

⁷ Filipus ki nai Yefun Yesus do, ”Men mu so roti su sugum tepsu men ben suk mu kom aina munggwo, ete men nai bi sugum ne yo, sugum mwa ne bere yo tep wa men so roti wa yé mwa ré sino git nde. Deyo ku wokgan sor re, deyo yo ku nde.”

Yohanes 6:7 Referans Kwoze

Markus 6:37

Sarewo Yefun Yesus ki do, ”Nin dakai anato syo sugit nai yé mwa ré git et!” Yefun Yesus bi pakon ki do, ”Mban! Men so roti mwa tep wa yé mwa ré git, bere men mitmo sugum tepsu yé bi sugum nai yetu ge dik yo bi kamba mo suk gato an ben ne kom mo aina munggwo re. Te men anato mu so roti su sugum mwa sane wa yé mwa ré git e?”

Yohanes 12:5

”Mom yo so manik ne nde wa suma ne? Manik ne bi sugum sye tepsu yé ben suk karowa kom mo tahun dik, ete yé ku bi sugum mone. Mom so manik ne, ete mom ku bi sugum, ete syo nai ye gato yewa suk ete ndo.”

Matius 18:28

Pa ne syesyar kadit yenggras bi nu saresa, pa ne ku pakwerut dik yo o. Pa we wok ré bi bon wokgan kom mo ribu bok yo, sarewo pa we sye but pa we wok ete sorom pa ne syidem sane sor bergan pa we wok yo tik mas ndo o nde, ete pa we sye ki do, ’Nan bi ji bi bon mo ji kekro et.’

Yohanes 1:43

Bi ik, ete Yefun Yesus bi sukjimnut do, An mu mo bur Galilea. Yefun Yesus yo mu nde tó, An ku Filipus ete Yefun Yesus ki nai Filipus do, ”Nan simo Ji et!”

Yohanes 1:44

Filipus ontu mo Betsaida, kota gato Andreas si Petrus kem mó.

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 1:46

Natanael ki nai Filipus do, ”Mban! Ye gato ben sukndo mo kota Nazaret ne mó e?” Filipus ki do, ”Nan ma nan me et!”

Yohanes 1:48

Natanael ndo mo Yefun Yesus do, ”Ben sa u anato Nan jam ji ne?” Yefun Yesus ki do, ”Filipus yo kendo nan mu nde tó, nan kem mo kwe ara ke ne sa, ji me nan re.”