Yohanes 6:5 - Abun Scripture

⁵ Yefun Yesus kem mone, An sokbot nden neya sa, An me yé mwa teker ma mone. An ndo mo Filipus do, ”Men so sugit mo u wa yé mwa more git ne?” (

Yohanes 6:5 Referans Kwoze

Matius 15:33

Orete Yefun Yesus bi pakon ndo mo Yefun do, ”More yetu yo kem mo nde, sane men nai sugit tep wa yé mwa ré mo u ne?”

Yohanes 4:35

Nin ki do, ’Aina at o, ete men bi sukjan kri wa men nai.’ Sarewo Ji ki sare do, nin brek, nin sokme nggwe tak deyo-deyo. Sukjan ne kri it.

Yohanes 1:43

Bi ik, ete Yefun Yesus bi sukjimnut do, An mu mo bur Galilea. Yefun Yesus yo mu nde tó, An ku Filipus ete Yefun Yesus ki nai Filipus do, ”Nan simo Ji et!”

Markus 6:32

Sane Yefun Yesus si An bi pakon it mo kwem ete án mu kadit yé mwa ne. Án mu mo nat gato ye yo mo nde.

Lukas 9:10

Yefun Yesus bi pakon satu kadit nat mwa gato án mubot ne sa, pakon ne ki nai Yefun Yesus subot suk mwa gato án ben mone. Ete Yefun Yesus ki nai An bi pakon do, ”Men mu kadit pe ré et.” Sane Yefun Yesus si An bi pakon wadigan mu mo kota gato gum do Betsaida.

Yohanes 1:44

Filipus ontu mo Betsaida, kota gato Andreas si Petrus kem mó.

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 1:46

Natanael ki nai Filipus do, ”Mban! Ye gato ben sukndo mo kota Nazaret ne mó e?” Filipus ki do, ”Nan ma nan me et!”

Yohanes 1:48

Natanael ndo mo Yefun Yesus do, ”Ben sa u anato Nan jam ji ne?” Yefun Yesus ki do, ”Filipus yo kendo nan mu nde tó, nan kem mo kwe ara ke ne sa, ji me nan re.”