Yohanes 5:3 - Abun Scripture

³ Yé mwa gato i án sem mo bur mo nukot bok ne mo syurgun de. Deyo gro ndu e, deyo gwes út e, deyo syim si gwes út re. [Yé mwa gato i ne, án eswa syurgun rom-ram,

Yohanes 5:3 Referans Kwoze

Lukas 7:22

Sane Yefun Yesus ki nai pakon ge we ne do, ”Nin satu mu ku Yohanes, ete nin ki subot suk gato nin dakai jam, nin ki subot suk gato nin dakai me su nin gro sato ré: ye gato gro ndu, gro ndo satu; ye gato gwes út, mu ndo satu; ye gato i su suki borbuk, ge, án kaim ndo satu; ye gato dabe mbut, án dabe rer satu; ye gato kwop, mbau satu; ye gato yewa suk, án jam sukdu subot os ndo gato Yefun Allah fro wa yetu ne.

Matius 15:30

Yé mwa ma sum mone, ete yé gwat ye gato gwes út e, ye gato gro ndu e, ye gato syim út e, ye gato dabe mbut e, ye gato syokwet mbut, si yé mwa yo o gato i ne, yé gwat ma mo Yefun Yesus gwem, or An ben yé mwa ne ge or re.

Yakobus 5:7

Sane, ji bi nji, ji bi nyanggon, nin eswa Yefun Yesus satu ma sor. Nin me mo ye gato ben nggwe ne do, an jan an bi sukjan mo nggwe, orete an eswa, an eswa sane sor sukjan gato ndo ne kom, ete kri. An eswa nogi dom, an eswa nogi tepsu aina gato nogi ma su, ete an bi sukjan kom sisu ndo.

Roma 8:25

Sarewo Yefun yo nai men wé kadit sukye ne nde tó yo, men kwabom kam mo An do, bere An nai men wé mone tó, men eswa sor, bere An nai men wé kadit re.

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Yohanes 5:2

Mo Yerusalem karowa pe gato gum do, ”Domba bi Ros Syo” ne syurgun dik yo mone. Syurgun ne su a Ibrani gum do Betesda. Mone yé nggo nukot mumek wairi syurgun ne.

Yohanes 5:4

we wam bok yo Yefun Allah bi malaikat is ma mo syurgun, ete malaikat ne ben syur ne rom-ram. Syur ne do rom-ram yo, ye gato mu bok ngga mo syur ne nyim kadit ye yi neya, bere an ge kadit an bi suki re.]