Yohanes 5:16 - Abun Scripture

¹⁶ Sane yepasye ne meret os wa ben sukye nai Yefun Yesus, we Yefun ben ye ne ge su kam sye kam Sabat ne.

Yohanes 5:16 Referans Kwoze

Yohanes 15:20

Nin napawa Ji bi sukdu-i gato Ji ki nai nin ne do, ’Pakwerut yo sye wai kadit bi yenggras gato kon an nde.’ Ye deyo ben sukye nai Ji it yo, bere yé ne ben sukye nai nin dom. Ye deyo benbot Ji bi sukduno-i yo, bere ye ne benbot nin bi sukduno-i dom.

Yohanes 10:39

Ye Yahudi werwa án but Yefun Yesus ware, Yefun Yesus titi fro wé kadit án.

Yohanes 7:25

Sugane ye Yerusalem deyo ndo mo yu do, ”Ye gare anato Ye gato men bi yepasye syeret wa gu wé bado?

Yohanes 5:13

Sarewo ye gato ge kadit an bi suki ne jam nde Ye gato ben an ge ne, we Yefun Yesus fres mo yé mwa miten kadit an re.

Lukas 6:11

Yeguru agama si ye Farisi me suk gato Yefun Yesus ben mone sa, án on sa ndo nde. Sane án ki nai yu do, ”Men meret os sa u subere men ben sukye nai Ye ré ne?” Kadit kam gane, yeguru agama si ye Farisi meret os wa Yefun Yesus.

Markus 3:6

Orge ye Farisi mone mu kadit nu ari ne, án mu ku yeraja Herodes bi nje, ete án sino meret os wa gu Yefun Yesus kwop wé.

Matius 12:13

Orete Yefun Yesus ki nai ye gato syim deyo út ne do, ”Nan ron nan syim et!” Ye ne ron an syim sa, an syim gato út ne ndo satu, tepsu an syim deyo ne.

Yohanes 1:19

Ye Yahudi bi yepasye mo Yerusalem syogat yesu gato ben suk mo Yefun Allah bi nu si ye Lewi mu ndo mo Yohanes do, ”Je u anato nan ré ne?” Sane Yohanes ki an bi sukdu-i rer nai án jam.

Yohanes 5:10

Sane ye Yahudi bi yepasye ki nai ye gato ge sim ne do, ”Kam ré kam sye, kam Sabat, men bi yenggras duno men do, su kam Sabat men ben suk nde, sane nan pam nan bi sun nde.”

Yohanes 5:15

Sane ye ne syesyar mu mo nden, ete an ki nai ye Yahudi bi yepasye do, Yefun Yesus gane anato ben an ge re.

Yohanes 5:17

Sarewo Yefun Yesus ki nai ye Yahudi bi yepasye ne do, ”Ji bi Ai Yefun Allah ben suk gat sor kom mo kam ré, sane Ji waii ben suk dom.”

Yohanes 5:18

Yefun Yesus ki bi sukdu-i ne anato ye Yahudi wergat án nggwa nggi wai o subere án meret os wa án gu Yefun Yesus wé. Yepasye meret os nggi wai o, mo suk gato Yefun Yesus ben siri kadit ye Yahudi bi sukduno subot kam sye ne sor nde, wo yepasye ne maskwa mo gato Yefun Yesus ki do, Yefun Allah anato An bi Ai re. Yefun Yesus ki do, Yefun Allah anato An bi Ai bi sukjimnut do, Yefun Yesus dakai anato tepsu Yefun Allah.

Yohanes 7:21

Yefun Yesus ki nai án do, ”Ji ben yetu ge dik gato i ne ge su kam Sabat sor, ete nin yeket.