Yohanes 4:6 - Abun Scripture

⁶ Mo pe ne Yakub bi syurwak mó. Yefun Yesus kaim rere, we An muket os syu teker ma kom mone. Sane An kem ga mo syurwak de. Tomgane, kam yó miten.

Yohanes 4:6 Referans Kwoze

Ibrani 4:15

Men bi yegweswai gato gum kok wai mo Yefun Allah bi nu ne, An kem mo bur ré sa, An da kridek tepsu men yetu gato yo nggi nde. An kaim rere tepsu men yetu kaim rere. Sane suk yo da ma tik Yefun Yesus mit wa ben sukibit ket kwayo-kwayo tepsu men yetu sino mó re, sarewo An yo ben sukibit yo mo nde.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.

Matius 8:24

Án sino bi win mo em ne sa, án gensu nofuf sye is ma ben em sok mo kwem mit, bergan kwem kru rok. Sugane Yefun Yesus sem.

Matius 27:45

Yé mban Yefun Yesus mo kwesukwin mone sa, ndendu kewa pe ne sino kadit kam ti ri sor kom mo kam dek.

Matius 4:2

Yefun Yesus yo git sugit mo nde sor kom mo kam musyu at rek, sane Yefun Yesus on de ndo nde.

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Yohanes 11:9

Yefun Yesus ki do, ”Su nombrak bi jam musyu dik sop we mó. Ye gato mu su nden rer yo, tepsu ye gato ben Ji bi Ai bi suk-i, suk yo wai an gwes nde, an mu sisu ndo sor, nombrak rer ku suk mwa ne wa an me re.

Lukas 9:58

Yefun Yesus ki nai an do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Lukas 2:7

Orete Maria kem su Pa yebris, Maria bi Pa dofutmo. Maria nggwot Pa ne su san det, orete mom grem Pa ne sem mo suk gato ka sa ndurbe, gato sagana yé grem suksi bi sugit mó. Maria si Yusuf sem mo suksi bi dur, we nu mwa ne sino mo Betlehem buk wa an we re, nu yo wa yekam gato ma ne sem mo nde, nu mwa ne ses sino.

Yohanes 4:5

Sane mo Samaria ne, Yefun Yesus mu kom mo kota dik yo gato gum do Sikhar, karowa bur det gato kam nyim tuya Yakub syo nai an bi gan Yusuf.

Yohanes 4:7

An bi pakon mu mo kota wa so sugit re. Orete nggon Samaria dik yo ma wa en syur. Nggon ne ma kom mo syurwak sa, Yefun Yesus ki nai mom do, ”Nan syo syur wa Ji da et.”

Yohanes 4:12

Men bi amui Yakub anato rom syurwak ré. An syo nai men. An dakai nai syur more wa an da. An bi pa ne sino nai syur kadit syurwak ré wa án si án bi suksi da. Nan nut do, Nan gum kok sye wai kadit Yakub bado?”