Yohanes 4:42 - Abun Scripture

⁴² Ye Samaria ne ki nai nggon ne do, ”Su ré men onyar kem mo Yefun Yesus mo nan bi sukdu-i sor nde, wo men onyar kem mo An, we men dakai jam An ki An bi sukdu-i re. Men jam do, An anato Ye gato ma wa An nai men yetu sino mo bur ré wé kadit sukye, subere men kem ndo to kapyo mato kapyo.”

Yohanes 4:42 Referans Kwoze

1 Yohanes 4:14

Men dakai me Yefun Allah bi Gan su men gro re, ete men ki sukdu subot An frekbot nje subere ye jam do, Yefun Allah syogat An bi Gan ma mo bur ré wa An nai men kadit sukye, ete kak os ndo wa men kem ndo to kapyo mato kapyo.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

1 Timotius 4:10

Sane men samok, men wergat men dakai, men ben Yefun bi suk-i ne, we men kwabom kam mo Yefun Allah gato gesyos ne do, bere An nai men wé kadit sukye, bere An kak os wa men kem ndo to kapyo mato kapyo. Yefun Allah kak os ne wa yetu mwa ne sino mo bur ré. Wo ye gato onyar kem mo An anato ye gato kem ndo si An mo An bi nat-i ne.

2 Korintus 5:19

Sukdu gato men ki subot anare, Yefun Allah syogat Kristus ma wa kak os wa men yetu si Yefun Allah kem ndo su yu. Yefun Allah fro os ne, An yo nutbot sukibit gato men yetu ben ne o nde. Yefun Allah syogat men mu ki sukdu subot os ne nai yetu mwa ne mo bur ré sino jam sor.

Suk Gato Yerasul Ben Ne 4:12

Yefun Yesus ka dik sor anato kak os ndo wa nai men wé kadit bot gesyos, subere men kem ndo to kapyo mato kapyo. Yetu yi yo mo nde, kadit yetu mwa ne sino, Yefun Yesus An ka dik sor anato nggiwa kak os ndo wa men kem gesyos.”

Yohanes 17:8

Sukdu gato Nan ki nai Ji, Ji waii ki nai án jam re, án iwa sukdu ne. Án jam do, sangge Ji anato ma kadit Nan, Ji bi Ai. Án jam do, sangge, Nan anato syogat Ji ma mo bur ré re.

Yohanes 4:29

”Nin ma me Ye gare et. Nin ma me Ye gato kibot suk mwa ne sino gato ji ben ré et. An anato Kristus bado?”

Lukas 2:32

Bere Pa ré tepsu sukru gato rer ku os wa yewis yi gato jam nde Yefun, Pa ki rer subot Nan, Yefun Allah bi os-i, subere yewis yi ne jammo Nan. Bere Pa ré ben Nan bi rus-i, gato ye Israel ne, subere án gum kas mo yé mwa neya re.”

Yohanes 11:17

Yefun Yesus mu kom mo Betania ne sa, An jam do Lazarus kwop re. Yé bi Lazarus mo jokwak kom mo kam at rek it.

Matius 1:21

Bere Maria kem su pa yebris, orete nan kendo pa ne gum do Yesus, we Pa ne ma mo bur ré wa ós An bi nje-i. Bere An tepsu suktot wa tot sukibit gato An bi yetuge-i ben ne wé re.”

Yohanes 4:41

Orete ye Samaria mwa wai o nai sukjimnut dik do, án onyar kem mo Yefun Yesus, we án dakai jam sukdu gato Yefun Yesus ki ne.

Suk Gato Yerasul Ben Ne 5:31

Yefun Allah bes Yefun Yesus gum Yekwesu gato nggiwa jowa men yetu. Yefun Allah bes Yefun Yesus gum Yekwesu gato An syogat ma kak os ndo wa men yetu subere men ku os wa men kem ndo to kapyo mato kapyo. Yefun Allah bes Yefun Yesus gum Yekwesu subere men ye Israel ku os wa men kwet kadit sukibit gato men ben ne, ete men jammo Yefun, subere Yefun Allah yo maskwa men mo sukibit gato men ben ne o nde, tepsu An tot sukibit ne wé kadit men re.

Suk Gato Yerasul Ben Ne 13:23

Yefun Allah waii bes Daud bi dat ge dik yo gum Yekwesu wa nai men ye Israel kadit sukye subere men kem ndo to kapyo mato kapyo, tepsu Yefun Allah tom su men ne. Ye ne gum do Yesus.

1 Yohanes 2:2

Yesus Kristus bi nggwa kwop wa tot men bi suktot mo sukibit gato men ben ne wé re. An tepsu suksom gato totwa sukibit gato men ben ne sor nde, wo An totwa sukibit gato men yetu mwa mo bur ré iwedewe ne sino ben ne or re.