Yohanes 4:41 - Abun Scripture

⁴¹ Orete ye Samaria mwa wai o nai sukjimnut dik do, án onyar kem mo Yefun Yesus, we án dakai jam sukdu gato Yefun Yesus ki ne.

Yohanes 4:41 Referans Kwoze

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 8:12

Sarewo Filipus ma ki sukdu subot os ndo gato Yesus Kristus kak wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Filipus ki sukdu mwa ne subot Yesus Kristus sa, yé mwa ne bi sukjimnut sye mo Simon o nde, wo yé mwa nai sukjimnut do, án onyar kem mo sukdu gato Filipus ki ne sor, orete Filipus ras án mo syur, yebris si nggon sino.

Suk Gato Yerasul Ben Ne 8:25

Petrus si Yohanes ki sukdu subot suk gato an we me Yesus Kristus ben ne nai nje jam. An we ki sukdu subot men bi Yekwesu Yefun Yesus nai nje mone jam, orge an we satu mu mo Yerusalem. An we mubot os, an we ki sukdu subot os ndo gato Yesus Kristus kak wa men yetu ne nai nje mo kampung bok yo mo bur Samaria.

Yohanes 6:63

Yefun Allah Gen anato ben yetu mbau. Men yetu dakai sor yo nggiwa men ben men mbau nde. Sukdu gato Ji ki nai nin ne anato sukdu gato ma kadit Yefun Allah Gen. Sane sukdu ne anato ben nin mbau.

Ibrani 4:13

Men yo ku os wa gurik suk yo kadit Yefun Allah mo nde, sukwokgan yo dom nde. Yefun jam suk mwa ne o re. Suk mwa ne sino gato Yefun Allah ut ne, suk yo kewa nde, An me suk mwa ne dakai bor yi sor. Men yo ku os wa gurik suk gato men ben ne nde, sane bere men ki subot suk gato men ben ne rer nai Yefun Allah gato ndobot men su kam sari ne ma sor.

Suk Gato Yerasul Ben Ne 15:3

Sane yé bok gato ye bes ne mu. Án muket bur Fenisia, si bur Samaria saresa, án nuk subot yewis yi nai ye gato kem mone, án nukbot suk gato ben to yewis yi jam sukdu subot Yesus Kristus, orete yewis yi mwa neya nai sukjimnut wa án brek kadit os ibit ete jammo Yefun Yesus tepsu án bi Yekwesu. Ye gato onyar kem mo Yefun Yesus mo bur ne jam sukdu ne sa, án mit iwa wai o re.

Yohanes 7:46

Ye gato mewa Yefun Allah bi nu ne ki do, ”Ye ne ki bi suk-i ndo yé. An bi sukdu ne tik men mit ware, men yo but An nde.”

Lukas 4:32

Yé bok yo gato jam sukdu ne, án yeket Yefun Yesus, we Yefun Yesus ki bi sukdu-i ne tepsu Yefun Allah dakai ki bi sukdu-i ne, Yefun Yesus ki bi sukdu-i ne pet mo nje. Yé mone iwa jammo Yefun Yesus bi sukdu-i ne sor.

Yohanes 4:40

Sane ye Samaria ne ma kom mo Yefun Yesus sa, án ndek gat Yefun Yesus subere Yefun si án kem sino mone. Sane Yefun Yesus kem mone kom mo kam we rek.

Yohanes 4:42

Ye Samaria ne ki nai nggon ne do, ”Su ré men onyar kem mo Yefun Yesus mo nan bi sukdu-i sor nde, wo men onyar kem mo An, we men dakai jam An ki An bi sukdu-i re. Men jam do, An anato Ye gato ma wa An nai men yetu sino mo bur ré wé kadit sukye, subere men kem ndo to kapyo mato kapyo.”