Yohanes 4:22 - Abun Scripture

²² Nin ye Samaria som suk gato nin jam nde, wo men ye Yahudi som Yefun Allah gato men jam re, we men ye Yahudi anato yewis gato jam ete kibot os gato Yefun Allah fro wa yetu subere yetu kem gesyos.

Yohanes 4:22 Referans Kwoze

Suk Gato Yerasul Ben Ne 17:23

we, ji mubot nin bi kota sa, ji me suk mwa gato nin som ne. Ji watbot suk mwa gato nin bes gum kok ne. Ji ku dik yo gato bi meja wa ye grem suksom mone, ete ye krom mó do, ’Yefun Allah gato men jam nde anare.’ Saneyo, Yefun Allah gato nin grem suksom wa ne, nin ki do, nin jam nde, su ré ji ki rer bot Yefun Allah ne subere nin jam.

Lukas 24:47

Bere yé mu kibot suk gato Kristus ben ne nai yewis mwa mo bur ré sino jam. Bere yé ki do, ’Nin onyar kem mo Yekwesu gato Yefun Allah syogat ma mo bur ré et! Nin onyar kem mo An eteyo, nin kwet kadit sukibit gato nin ben ne, ete nin jammo An yo, bere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.’ Bere yé ki sukdu ne frekbot bur ré iwedewe, yé ki nai nje mo kota Yerusalem jam nyim, orete yé ki nai yewis mwa ne mo bur ré or sino jam re.

Suk Gato Yerasul Ben Ne 17:30

Suga nyim tuya Yefun Allah misyar men yetu ben suk ket men jam nde sane, wo ré yo, An syogat men yetu mo bur ré iwedewe kwet kadit sukibit gato men ben ne, ete men jammo An.

Ibrani 7:14

Yé mwa ne jam do, men bi Yekwesu ne ma kadit Yehuda bi yewis-i. Musa ki subot yekwesu mo Yefun Allah bi nu sa, an yo ki kom mo wis ne dom nde. Sane Yesus Kristus tepsu Yekwesu be gato tara kadit ye Israel bi yekwesu mwa mo Yefun Allah bi nu suga nyim ne o re.

Suk Gato Yerasul Ben Ne 3:26

Sane Yefun Allah bes Yefun Yesus tepsu pakwerut wa ben Yefun Allah bi suk-i. Yefun Allah syogat Yefun Yesus ma ku nin nyim, subere Yefun Yesus ben sukndo su nin. Yefun Yesus ben sukndo su nin anato An ós nin brek kadit os ibit.”

Roma 11:18

Sane nin, yewis yi, nin nut do, nin ndo wai kadit i-guk gato Yefun Allah tot wé ne nde. Nin nut sane nde, wo nin nutbot suk gato ji ki ré sisu ndo et. Nin dom tepsu i-guk. Kweke ne yo ku sugit kadit i-guk nde, wo i-guk anato ku sugit kadit i-ke.