Yohanes 4:21 - Abun Scripture

²¹ Yefun Yesus ki nai mom do, ”Nggongras, nan jammo suk gato Ji ki ré et. Kapyo tak bere yé yo som Ji bi Ai Yefun Allah mo banbo ré o nde. Sane dom, bere ye yo som An mo Yerusalem o nde.

Yohanes 4:21 Referans Kwoze

1 Timotius 2:8

Ji mit iwa yebris jammo sukdu ne mo pe mwa ne sino, ete án bes án syim, án ki suk su Yefun Allah su án mit dik án onyar dik, ete án maskwa ket ye yi nde, án duwer ye yi kete dom nde.

Efesus 2:18

Yefun Allah Gen ka dik ne gwat men subot os gato Yesus Kristus kak wa men sino, ye Yahudi si yewis yi ne, subere men sino karowa men bi Ai, Yefun Allah ne.

Yohanes 4:23

Bere kapyo tak o nde, wo su re it, men som Yefun Allah sisu men mit dik si men onyar dik sor. Pe gato men som Yefun mone Yefun yo nutbot nde, wo An mit iwa men yé gato som An. Yefun Allah Gen ben men nggiwa som An sisu men mit dik si men onyar dik sor re.

Matius 18:20

We sare, mo pe gato yetu ge we yo, ge gri yo e ne sum tepsu Ji bi yetuge-i, Ji sisu án mone dom.”

Efesus 3:14

Sane anato ji tu ji umsu mo ji bi Ai Yefun Allah gwem ete ji ki sukdu su An.

Yohanes 16:32

Bergan, karowa it, nin titi daret, nin gedik-gedik titi mu mo bi nu-i. Bere nin sino mu kadit Ji, Ji wadigan sor ete kem. Sarewo Ji wadigan sor nde, we Ji bi Ai sisu Ji tó.

Yohanes 16:2

Bere ye Yahudi syun nin wé kadit án bi nu ari. Bere kapyo tak yé gato gu nin kwop wé gendo suk gato án ben ne Yefun Allah imo.

Yohanes 5:28

Nin yeket suk gato Ji ki ne nde, we karowa yé mwa gato kwop ne jam Ji ké,

1 Petrus 1:17

Nin ki suk su Yefun Allah yo, nin kendo An gum do, nin bi Ai. Bere Yefun ndobot nin si yé mwa ne sino tepsu yu re. Ye gato ben sukibit bere An syo sukye nai ye ne. Yefun yo ben An bi suk-i su ye gato gum sye si ye gato gum wok tara kadit yu nde, wo An ben suk su yé mwa ne tepsu yu sino. Sane nin kem mo bur ré tepsu yedamok yo, nin jammo Yefun Allah, nin bes An gum kok et.

Suk Gato Yerasul Ben Ne 6:14

Men jam Stefanus ki do, ’Yesus, ye Nazaret ne, bere tarak Yefun Allah bi nu-i ne wé, bere Yefun Yesus win sukdu gato Musa bi nai men su sukdu be o re.’ ”

Yohanes 14:6

Yefun Yesus ki nai an do, ”Ji dakai anato tepsu os gato mu mo Yefun Allah. Ji anato tepsu os gato sangge. Ji anato kak os wa yetu kem ndo mone. Yetu yo ku os wa an mu kom mo Ji bi Ai nde, wo an sibot os gato Ji kak ne sa, bere an kom mo Ji bi Ai re.

Yohanes 5:25

Suk gato Ji ki ré suksangge anare, Ji bi sukdu ne karowa bor it. Karowa o nde, wo bor it anare. Bere yekwop jam Yefun Allah bi Gan to Ji ré ké. Ye gato jam Ji ké ne yo, ye ne mbau satu.

Lukas 21:24

Yé mwa mone, bere yeko ne syek deyo kwop su nyom. Bere yeko but deyo ete gwat yé ne mu mo bur yi neya tepsu pakwerut. Orge ye gato jam nde Yefun jom nje mo Yerusalem krat. Yé ne jom nje mone sor kom mo kam gato Yefun Allah ki ne.”

Matius 28:19

Sane nin mu mo yewis mwa ne sino mo bur ré iwedewe, ete nin duno nje subere yé ne tepsu Ji bi pakon, ete nin ras nje ne mo syur sisu men bi Ai, Yefun Allah gum, sisu Yefun Allah bi Gan gum sisu Yefun Allah Gen gum ne sino et.

Wahyu 21:22

Ji yo me nu ke dik yo wa yé sum wa un Yefun mo kota ne nde, we men bi Yekwesu Yefun Allah gato nggi wai o re, An si Domba Gan ne, An we ne dakai sisu nje mone. Sane ye yo mitmo nu wa yé sum wa yé un Yefun mone nde.