Yohanes 4:16 - Abun Scripture

¹⁶ Yefun Yesus ki nai nggon ne do, ”Sane nan mu, nan kendo nan bi ya, ete nan si ma.”

Yohanes 4:16 Referans Kwoze

Ibrani 4:13

Men yo ku os wa gurik suk yo kadit Yefun Allah mo nde, sukwokgan yo dom nde. Yefun jam suk mwa ne o re. Suk mwa ne sino gato Yefun Allah ut ne, suk yo kewa nde, An me suk mwa ne dakai bor yi sor. Men yo ku os wa gurik suk gato men ben ne nde, sane bere men ki subot suk gato men ben ne rer nai Yefun Allah gato ndobot men su kam sari ne ma sor.

Wahyu 2:23

Yé bok ne sino gato simo nggon ne, bere Ji gu kwop wé. Ji gu yé bok ne kwop wé, subere yé gato onyar kem mo Yefun Yesus mo nu ari mwa ne sino jam do, Ji anato jam kadik-kadik bi sukjimnut-i kom mo mit re. Yé bok ne yo ku os wa gurik sukibit gato án ben ne nde. Bere Ji ben sukye nai kadik-kadik tepsu sukibit gato án ben ne.

Yohanes 21:17

Yefun Yesus ndo mo Petrus wam do gri o do, ”Simon, gato Yohanes bi pa, nan jimnotku Ji bado?” Petrus kwabom dek, we Yefun Yesus ndo mo an ne sor kom mo wam gri it. Sane Petrus ki nai Yefun Yesus do, ”Yenggras, men bi Yekwesu, Nan sa jam suk mwa ne sino kom mo mit, Nan rer mo Nan dakai. Nan jam do, ji jimnotku Nan re.” Orete Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.

Yohanes 4:18

Wo nan kra yetu ge mek it, ete su ré ye gato nan si kem ne, yo tepsu nan bi ya nde. Sukdu gato nan ki ne sangge, nan bi ya mo nde.”

Yohanes 1:42

Andreas mu kar Simon ma mo Yefun Yesus. Yefun Yesus sokwa Simon, ete ki nai an do, ”Nan gum do Simon, gato Yohanes bi pa. Bere yé kendo nan gum do Kefas.” (Kefas, a Ibrani anane, wo ye brek su a Yunani bi sukjimnut do, Petrus. Kefas si Petrus bi sukjimnut dik do, ”jok.”)

Yohanes 4:15

Nggon ne ki do, ”Yenggras, Nan syo syur ne wa ji da et, subere ji yo sosa o nde, subere ji yo mitwa ji satu ma wa en syur more o nde.”

Yohanes 4:17

Nggon ne ki do, ”Ji bi ya mo nde.” Yefun Yesus ki do, ”Suk gato nan ki ne sangge.