Yohanes 4:11 - Abun Scripture

¹¹ Nggon ne ki nai An do, ”Yenggras, Nan bi sukbo wa Nan en syur su yo mo nde. Syurwak ré kru teker. Nan nai syur gato ós ji kem ndo ne kadit u ne?

Yohanes 4:11 Referans Kwoze

1 Korintus 2:14

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

Yohanes 3:4

Orete Nikodemus ki nai Yefun Yesus do, ”Bei, men ka yenggras it, kapyo men bi im kem su men satu o e? Men sok satu mo men bi im ón, ete im kem su men satu o e?”

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Yohanes 7:37

Ye konwa kam sye kam bok ne kom mo kam gato ye bes gum kok gato kam wari ne sa, Yefun Yesus ti mo yé mwa gwem mo Yefun Allah bi nu, ete An saiye do, ”Nin sosa mó yo, nin ma mo Ji, ete Ji syo syur nai nin da.

Suk Gato Yerasul Ben Ne 10:14

Petrus ki do, ”Yefun, sane nde! Ji yo git sugit gato men ye Yahudi fowa git yo mo nde, wam dik yo dom nde.”

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Wahyu 21:6

Yefun ki o do, ”Suk mwa ne Ji ben or it! Ji anato Yefun gato ut suk kadit ketke ete jom sane sor kom mo pe gato or mó. Bere Ji syo syur nai ye gato sosa kadit syur nggrup gato ben yetu mbau. Bere Ji syo syur ne ma wa án da, án yo bi suk yo wa nde.

Wahyu 22:1

Orete malaikat ne kadum syur gato ben yé mbau ne nai ji me dom. Syur ne rer tepsu kaca. Syur ne syé kadit Yefun Allah si Domba Gan bi kursi sye ne.

Wahyu 22:17

Yefun Allah bi rus-i, gato tepsu Yefun Yesus bi nggon gato bere An kra ne si Yefun Allah Gen ki nai Yefun Yesus do, ”Yefun Yesus o, Nan ma et!” Yé mwa gato jam sukdu mo buku sino ré ki do, ”Yefun Yesus o, Nan ma et!” Yé mwa ne ki do, ”Yefun Yesus o, Nan ma et!” Yé gato sosa, án ma nai syur gato ben án mbau mone et. Yé gato mit iwa ma nai syur ne yo, án nai yi sor, án yo bi suk yo wa nde.