Yohanes 4:10 - Abun Scripture

¹⁰ Yefun Yesus ki do, ”Nan jam suk gato Yefun Allah fro wa syo nai nan ete nan jam Ji gato ndek syur mo nan ne yo, bere nan waii ndekwa Ji syo syur gato ós nan kem ndo nai nan da, ete bere Ji syo syur ne nai nan da re.”

Yohanes 4:10 Referans Kwoze

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Wahyu 21:6

Yefun ki o do, ”Suk mwa ne Ji ben or it! Ji anato Yefun gato ut suk kadit ketke ete jom sane sor kom mo pe gato or mó. Bere Ji syo syur nai ye gato sosa kadit syur nggrup gato ben yetu mbau. Bere Ji syo syur ne ma wa án da, án yo bi suk yo wa nde.

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Wahyu 22:17

Yefun Allah bi rus-i, gato tepsu Yefun Yesus bi nggon gato bere An kra ne si Yefun Allah Gen ki nai Yefun Yesus do, ”Yefun Yesus o, Nan ma et!” Yé mwa gato jam sukdu mo buku sino ré ki do, ”Yefun Yesus o, Nan ma et!” Yé mwa ne ki do, ”Yefun Yesus o, Nan ma et!” Yé gato sosa, án ma nai syur gato ben án mbau mone et. Yé gato mit iwa ma nai syur ne yo, án nai yi sor, án yo bi suk yo wa nde.

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

1 Korintus 10:4

Mo pe ne syur yo mo nde, sane Yefun Allah bi suktinggi bor mone. Yefun Allah ben syur syesyar kadit banbo jok, ete án sino da syur gato Yefun syo nai án dom. Banbo jok gato ós án yé gato sosa ne anato tepsu Yesus Kristus dakai.

Yohanes 6:35

Yefun Yesus ki nai án do, ”Ji ré anato tepsu sugit gato ben yetu mbau. Ye gato ma mo Ji yo, an yo on de o nde. Ye gato onyar kem mo Ji yo, an yo sosa o nde sor to kapyo mato kapyo.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Yohanes 6:51

Ji dakai anato tepsu sugit gato is kadit gu ma ré. Sugit ré ben yetu mbau. Ye to git sugit ré yo, ye ne kem gesyos it, an mbau to kapyo mato kapyo. Sugit gato Ji bi wa ben yetu mo bur ré mbau anato Ji dakai ku.”

2 Korintus 9:15

Sane men un Yefun Allah gum mo sukndo mwa gato An dakai syo nai men yi. Suk gato An syo nai men, ndo wai teker o re.

Lukas 11:13

Kapre nin anato ye gato ben nin bi suk-i ibit ne, nin jam nin syo suk gato ndo nai nin bi pa. Sane bere, nin ndek suk mo nin bi Ai mo gu yo, bere nin bi Ai syo suk gato ndo wai kadit ne o re. Ye to ndek Yefun Allah wa Yefun Allah syo An Gen, bere An syo re.”

Efesus 2:8

Yefun Allah dakai bi sukjimnut sye kas subot men sye teker anato An nai men wa men si An kem ndo to kapyo mato kapyo. Men onyar kem mo Kristus anato An nai men sor. Men dakai yo ben suk yo subere men kem gesyos ne nde, wo Yefun Allah dakai kak os wa men yi sor.

1 Korintus 1:30

Yefun Allah dakai fro os wa men si Yesus Kristus tepsu dik. Yesus Kristus ne kak men bi sukjimnut. Yesus Kristus ne kak os wa men sok mo Yefun Allah bi rus-i. Yesus Kristus kak os wa men ben Yefun Allah bi suk-i sor. Yesus Kristus tot suktot wa men mo sukibit gato men ben ne wé. Men dakai yo ben suk gato ben to Yefun Allah nai men gum sok mo An bi rus-i nde.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

Yohanes 16:3

Yé ne ben suk ne nai nin, we án yo jam Ji bi Ai nde. Án jam Ji dom nde.

Suk Gato Yerasul Ben Ne 9:11

Yefun Yesus ki nai an do, ”Nan mu mo Yudas bi nu-i mo os gato gum do, os ri, orete yo, nan meret Saulus gato bi nat-i mo Tarsus, we Saulus kem mo nu ne. Ré yo, an ki suk su Yefun Allah mone.

Ibrani 6:4

Men krombot sukdu gato kru ne o, we ye gato ketke onyar kem mo Yefun Allah, orete an bariket Yefun Allah ete mu tara kadit Yefun bi os-i o re yo, men yo ku os wa kar ye ne satu ma mo Yefun o nde. Suga nyim Yefun Allah bi sukdu gato rer ne, an jam re. Yefun Allah syo suk gato ndo nai an mó re. Yefun Allah Gen dom pet mo an mó re, an jam an nggwa mone it.