Yohanes 4:1 - Abun Scripture

¹ Ye Farisi jam do, yé mwa ma mo Yefun Yesus wa Yefun Yesus ras án mo syur subere án tepsu Yefun bi pakon. Ye Farisi jam do yé mwa ma mo Yefun Yesus wai kadit Yohanes. (

Yohanes 4:1 Referans Kwoze

Yohanes 3:26

Orete Yohanes bi pakon ne ma mo Yohanes, án ki nai Yohanes do, ”Yeguru, nan napawa tomgato nyim, Yetu ge dik yo sisu nan mo Syur Yordan tak de nim. Nan ki sukdu subot An rer nai men jam re, wo su ré An dom ras nje mo syur, ete yé mwa ne sino mu kadit men mu mo An re.”

Yohanes 3:22

Orete Yefun Yesus si An bi pakon mu mo bur Yudea. An si pakon ne kem nam gan mone. Yefun Yesus si bi pakon ras nje mo syur mone.

2 Korintus 4:5

Sukdu gato men ki subot ré, men bes men nggwa tepsu yekwesu mone nde, wo men ki subot Yesus Kristus, An anato men bi Yekwesu, men anato tepsu An bi pakwerut wa men ós An bi rus-i sato nin.

1 Korintus 15:47

Adam doketke ne Yefun Allah ut kadit bur, wo Adam kedowe ma kadit gu.

1 Korintus 2:8

Yepasye mwa gato jowa bur ré, ge dik yo jam sukdu ne mo nde. Yepasye ne jam sukdu ne sa, án yo gu men bi Yekwesu gato gum kok sye wai ne kwop mo kwesukwin nde.

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Wahyu 19:16

Mo An bi san gato kewa An gwes muk ne, ye krom An gum sare do, ”Yeraja ré gum kok wai kadit yeraja mwa neya o re. Yekwesu ré gum kok wai o kadit yekwesu mwa neya o re.”

Yakobus 2:1

Ji bi nji, ji bi nyanggon, nin onyar kem mo men bi Yekwesu Yesus Kristus gato gum kok sye wai o re. Sane nin ben suk su yetu mwa ne sino tepsu yu et, nin bes deyo gum kok wai kadit deyo daret nde, wo nin ben suk su yé mwa ne sino tepsu yu et.

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Lukas 19:34

An we ki do, ”Men bi Yekwesu mitmo keledai ré.”

Lukas 19:31

Do ye yo ndo mo nin ka we do, ’Nin ka we sombok keledai ré wa suma ne?’ Yo, nin ka we ki do, ’Men bi Yekwesu mitmo keledai ré.’ ”

Lukas 1:76

{Orge Zakaria ki nai an bi pa do,} ”Nan, ji bi pa, bere yé kendo nan gum do yenabi, bere nan gwat Yefun Allah gato gum kok sye wai ne bi suktaru ma ki nai nje mo bur ré re. Yefun Allah syogat nan mu nyim mo men bi Yekwesu ne gwem, subere nan fro os wa An.

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

1 Korintus 1:17

Ji yo ras yé mwa mo syur nde, we Kristus yo syogat ji mu wa ji ras nje mo syur nde, wo An syogat ji mu wa ji ki sukdu subot os ndo gato Yesus Kristus kak wa men yetu ne. Ji mu ji ki sukdu subot An tepsu ye gato farkor kok nde. Ji ki sukdu su kwa gato kru nde, sawe yé bes sukdu ne kok wai, ete yé yo nutbot suktinggi gato bor mo Kristus mo kwesukwin ne nde.