Yohanes 3:7 - Abun Scripture

⁷ Nin gen mo sukdu gato Ji ki ré nde: nin yetu tepsu pa gato ye kem su o et.

Yohanes 3:7 Referans Kwoze

Yohanes 3:3

Yefun Yesus ki do, ”Suk gato Ji ki ré suksangge anare, ye kem su nan satu o yo, nan gum sok mo Yefun Allah bi rus-i it anane.”

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.

Kolose 1:12

nin ki ndo mo men bi Ai, Yefun Allah gato nai men gum wa men sok mo An bi rus-i it. Sane bere men ku suk gato An fro wa men yé gato onyar kem mo Yefun Yesus mo pe gato An jowa men mone. Bere men si An sino kem mo pe gato rer.

Yohanes 3:12

Ji ki sukdu subot suk mwa mo bur ré nai nin jam ware, nin yo jam mo suk gato Ji ki ne nde. Sane Ji ki sukdu subot suk mwa mo gu nim ne yo, bere nin jambot Ji bi sukdu-i ne sa u ne? Bere yo mo nde!

Yohanes 5:28

Nin yeket suk gato Ji ki ne nde, we karowa yé mwa gato kwop ne jam Ji ké,

Yohanes 3:6

Yetu kem su men, men mbau mo bur ré sor re, wo Yefun Allah Gen kem su men yo, men da gesyos mbau to kapyo mato kapyo.

Yohanes 3:8

Nofuf kas muya-muma. Men jam nofuf kas tok kwe, sane nofuf uk sa, men jam, wo men jam pe gato nofuf kas ma kadit ne nde re. Men jam pe gato nofuf kas mu mo ne dom nde. Sane dom, tepsu ye gato Yefun Allah Gen kem su ne, men jam nde suk gato Yefun Allah Gen ben anato An kem su ye ne.”