Yohanes 3:6 - Abun Scripture

⁶ Yetu kem su men, men mbau mo bur ré sor re, wo Yefun Allah Gen kem su men yo, men da gesyos mbau to kapyo mato kapyo.

Yohanes 3:6 Referans Kwoze

2 Korintus 5:17

Sane men si Yesus Kristus tepsu dik it yo, men anato ye gato be o re. Men yo simo os ibit saga nyim ne o nde, wo men simo os be mo suk mwa ne sino o re.

1 Yohanes 3:9

Ye gato sok mo Yefun Allah bi rus-i, án yo ben bi suk-i ibit gat o nde, we Yefun Allah Gen kem pe mo án mit si án onyar it. Yefun Allah anato tepsu án bi Ai, sane án yo ben bi suk-i ibit gat o nde.

1 Korintus 6:17

Sarewo ye gato si Yefun Yesus tepsu dik it yo, an si Yefun Gen tepsu dik it.

Roma 7:18

Ji jam do, sukjimnut gato tik ji mit wa ji ben suk tepsu yetu mwa ne sino iwa ben ne, bi kwa dik yo gato ndo yo mo nde, suk mwa ne ibit sino. Ji da iwa ben suk gato ndo, sarewo ji yo nggiwa ben nde.

Roma 8:13

Men benbot suk gato Yefun Allah Gen kadum nai men ne sor, we men do benbot sukjimnut gato tik men mit wa ben sukibit ne yo, bere men kwop sor re. Sarewo men jammo Yefun Allah Gen sa, bere Yefun Allah Gen ben men nggiwa men kak sukibit gato men dakai ben ne wé kadit men re. Men do kak sukibit ne wé it yo, bere men kem sisu ndo it anane.

Efesus 2:3

Suga nyim men sino ben sukibit tepsu yé mwa ne mó re. Sukjimnut gato tik men mit wa men ben sukibit jom men sino mó re. Suga nyim men sibot sukjimnut ne sor, men dakai ben suk ket men bi sukjimnut-i, men ben sukibit ket men i sor. Sane men si yé mwa ne ku sukmaskwa kadit Yefun Allah mone.

Kolose 2:11

Nin si Kristus tepsu dik it, sane tepsu ye bisunat nin it anane. Sunat gare yo tepsu sunat gato yetu ben mo yetu kaim ne nde, wo sunat ne ma kadit Kristus. Sunat gato ma kadit Kristus ben sato kum nin bi sukjimnut gato tik nin mit iwa nin ben sukibit bu ne toko wé re.

Galatia 5:24

Ye gato sok mo Yesus Kristus bi nje-i it yo, ye ne bare sukjimnut gato tik an mit wa ben sukibit ne or wé kadit an re. Sukjimnut ne ben sato an mban mo kwesukwin, ete sukjimnut ne kwop or wé kadit an. An yo iwa ben suk ket an i o nde. Suk gato tik an mit wa an ben sukibit ne an bare wé re.

Yohanes 1:13

Ye gato gum tepsu Yefun Allah bi pa-i ne, yetu anato kra yu, ete kem su nde. Pa ne yo ma kadit yetu nde, wo pa ma kadit os gato Yefun Allah dakai fro ne.

Roma 7:5

Suga nyim ne, sukjimnut gato tik men mit wa ben sukibit tepsu yetu mwa ne sino iwa ben ne jom men re. Sugane ye Yahudi bi sukduno-i ben sato tik men bi sukjimnut ibit mo men mit anato men ben sukibit mwa o re. Men bi men nggwa wa jammo sukjimnut ibit anato kom mo rut suk mwa gato men ben ne gwat os sukkwop wa men sor.

Yohanes 3:7

Nin gen mo sukdu gato Ji ki ré nde: nin yetu tepsu pa gato ye kem su o et.