Yohanes 3:25 - Abun Scripture

²⁵ Yohanes bi pakon deyo duwer ye Yahudi ge dik yo subot ye Yahudi bi agama. Ye ne ki do, ye Yahudi yo de syur nde, án fowa sok ari, wo pakon ne bi sukjimnut-i tara re.

Yohanes 3:25 Referans Kwoze

Yohanes 2:6

Mo pe ne ye grem sukbo mumat wa yé rin syur mó. Sagana ye Yahudi yo sok ari nde tó, yé de syur gato yé rin mo sukbo ne. Yé rin syur mo sukbo ne ses yo, bergan tepsu liter wotin dik mo sukbo dik. Sugane sukbo mumat kwop mone.

Ibrani 6:2

Sukdu bok yo o gato ndaf mo i-ke ne mó, sato ré: sukdu subot ye ras nje mo syur e, sukdu subot ye ak syim mo nje wa bes an wa ben Yefun bi suk-i mo pe yo e, sukdu subot kam sari, bere Yefun sun nje kadit sukkwop e, sukdu subot ye ku sukye mo bot gesyos to kapyo mato kapyo e ne.

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

1 Petrus 3:21

Yefun Allah kak os wa yetu ge munggwo ne subere án titi fro kadit syur syé ne anato tepsu sukamno subot ye ras yetu mo syur. Su ré, ye ras nin mo syur anato kak os wa nin titi fro kadit sukye gato nin ku ne. Ye ras nin mo syur wa mus sukkwik kadit nin da nde, wo ye ras nin mo syur tepsu nin tom su Yefun do, bere nin jammo An pe sor, bere nin werwa nin sibot nin bi sukjimnut gato ndo mo nin mit ne. {Nin onyar kem mo os ndo gato Yefun Yesus kak wa nin anato} ye ras nin mo syur. Yefun Yesus kak os mo gato An sun kadit sukkwop. Sane An kak os wa nin titi fro kadit bot gesyos ete nin sok mo Yefun Allah bi rus-i re.

Ibrani 9:23

Suk mwa mo nu kemah mit mo bur ré, tepsu sukkran subot suk mwa gato mo nu mo gu nim ne mit dom. Yé dar suge dé mo suk mwa gato mo nu kemah mo bur ré mit subere suk mwa ne tep wa ye ben Yefun bi suk-i su re, wo nu gato mo gu bi suk mwa ne, ye dar suge dé sane mó yo, bere yo tep nde, wo Yefun Allah mitmo suk gato ndo wai kadit ne o re.

Ibrani 9:10

Sane os nyim gato Musa krombot ne bi sukduno-i kom mo men de nden sor re. Yé sibot sukduno subot sugit si syur e, yé de syur mo suk yo tepsu bi acara bok yo mone. Sarewo yé ben suk bok ne mo de nden sor re. Suk bok ne Yefun Allah syogat men benbot sane sor kas kom mo kam gato Kristus ma wa kak os be ne sor re.

Markus 7:8

Yefun Allah bi sukduno-i ne, nin misyar re, wo nin bi amui bi sukduno-i ne anato nin jom krat.”