Yohanes 3:2 - Abun Scripture

² Noru dik yo an ma ku Yefun Yesus, ete an ki do, ”Yeguru, men jam do Yefun Allah syogat Nan ma mo bur ré, we Yefun Allah do yo sisu Nan mo nde yo, Nan yo nggiwa ben suk gato kadum Yefun Allah bi suktinggi gato ben men yeket ne yo mo nde.”

Yohanes 3:2 Referans Kwoze

Yohanes 5:36

Yohanes ki bi sukdu-i subot Ji mó re, sarewo suk mwa ne sino gato Ji bi Ai syogat Ji ben more kadum rer wai kadit sukdu ne do, Yefun Allah anato syogat Ji ma mo bur ré re.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Suk Gato Yerasul Ben Ne 2:22

Orge Petrus ki o do, ”Ji bi nji, ji bi nyanggon, ye Israel, nin jammo suk gato ji ki ré et. Yefun Yesus, ye Nazaret ne, men jam do Yefun Allah bes An, we Yefun Allah bi suktinggi bor mo An re. An ben suk mwa gato men yetu yeket {sato: ye gato kwop, An sun mbau satu, ye gato gro ndu, An ben gro ndo satu, ye gato gwes út ne, An ben mu o re}. Yé mwa nutbot suk gato An ben ne ndo nde. An kadum Yefun Allah bi suktinggi bor wa men me re. Nin dakai jam re.

Yohanes 9:16

Ye Farisi ne deyo ki do, ”Ye gane yo ma kadit Yefun Allah nde, we An ben suk siri kadit men bi sukduno subot kam sye kam Sabat.” Sarewo ye Farisi deyo o ki do, ”Ben sa u anato Ye gato ben suk gato siri ne nggiwa ben suk gato kadum Yefun Allah bi suktinggi gato ben men yeket sare ne?” Orete ye Farisi duwer yu mo Yefun Yesus it anane.

Yohanes 12:37

Kapre Yefun Yesus kadum Yefun Allah bi suktinggi, An ben suk mwa gato ben yé yeket bor mo yé mwa gwem, sarewo yé yo onyar yo kem mo An nde.

Yohanes 1:38

Yefun Yesus brek, sokme an we ma bori sa, Yefun Yesus ndo mo an we do, ”Nin ka we syeret suma ne?” An we ki do, ”Rabi, nan kem mo u ne?” (Rabi bi sukjimnut do ’yeguru.’)

Matius 22:16

Ye Farisi syogat án bi pakon ge bok yo si ye gato simo Herodes ge bok yo mu ku Yefun Yesus, ete án ndo mo Yefun Yesus do, ”Yeguru, men jam do, Nan sa, Nan anato ye gato ben bi suk-i ri-roi sor. Men jam do, Nan kibot Yefun Allah bi sukdu ne yo, kapre yepasye ke, ye gato gum wok ke, Nan duno men su Yefun Allah bi sukdu-i ne rer sor. Nan duno yé mwa ne sino tepsu yu. Nan yo brek nden we mo sukdu gato Nan ki ne nde.

Yohanes 7:31

Kapre yepasye iwa but An, yé mwa mone napyo sye nai sukjimnut dik do, yé onyar kem mo Yefun Yesus. Sane yé ne ki do, ”Kristus do ma it yo, An kadum Yefun Allah bi suktinggi su suk gato ben yé yeket mwa wai kadit Ye ré bado? Mo nde, Kristus ana gare it!”

Yohanes 20:16

Yefun Yesus ki nai mom do, ”Maria!” Maria brek sokme Yefun Yesus, ete Maria ki su a Ibrani do, ”Rabuni,” (gato bi sukjimnut do, ”Yeguru.”) Maria iwa syimtok Yefun Yesus, sarewo

Yohanes 15:24

Ji ma ben suk gato ben án sino yeket ne ondesa, Yefun yo syo sukye nai án mo gato án bariwa Ji ne nde. Sarewo, sangge Ji ma ben suk gato yetu yo nggiwa ben nde, án da me suk gato Ji ben ne ware, án bariket Ji tó, án bariket Ji si Ji bi Ai sino.

Yohanes 3:26

Orete Yohanes bi pakon ne ma mo Yohanes, án ki nai Yohanes do, ”Yeguru, nan napawa tomgato nyim, Yetu ge dik yo sisu nan mo Syur Yordan tak de nim. Nan ki sukdu subot An rer nai men jam re, wo su ré An dom ras nje mo syur, ete yé mwa ne sino mu kadit men mu mo An re.”

Markus 12:14

Yé bok ne mu ku Yefun Yesus, ete án ki do, ”Yeguru, men jam do, Nan sa, Nan anato ye gato ben bi suk-i ri roi. Men jam do, Nan kibot Yefun Allah bi sukdu ne yo, kapre yepasye ke, ye gato gum wok ke, Nan duno men sino su Yefun Allah bi sukdu-i ne rer sor, Nan duno yé mwa ne sino tepsu yu. Nan yo brek nden we mo sukdu gato Nan ki ne nde. Sane, men iwa men jam Nan bi sukjimnut subot sukdu ré et, sare do, ’Pemerintah bi yekwesu gato gum do Kaisar syogat men bi sugum pajak nai an, sane men ye Yahudi bi sukduno-i ki suma ne? Men bi sugum pajak anato ndo tepsu sukduno ne bado, siri kadit e? Nan nut do Yefun Allah iwa men bi sugum nai Kaisar, bado, An yo iwa nde e?’ ”

Filipi 1:14

Yé rai ji mo sel ré sane anato Yefun ós ye gato onyar kem mo Yefun Yesus mo kota ré, bergan yé mwa ne sino, án yo nyuwa ki Yefun Allah bi sukdu saga nyim ne o nde. Án yo nokwa nje gato ben sukye nai án o nde.

Matius 23:7

Án do mu mo pasar it yo, án iwa yé mwa mo pasar ki do, yepasye ana ma ne, ete yé ki do, ’kam ndo’ mo án.

Matius 23:8

Wo Ji ki sare do, nin sino tepsu yedik, sane nin bes ye yo gum ’yeguru’ daret nde. Nin bi Yeguru ne ka dik sor, Ji dakai.

Yohanes 2:11

Yefun Yesus ben syur tepsu nau anggur rom ne mo kota Kana mo bur Galilea. Yefun Yesus ben suk doketke gato ben yetu yeket mone. Yefun Yesus kadum An bi Ai bi suktinggi bor wa yetu jam mone. Sane anato An bi pakon onyar kem mo An.

Yohanes 4:31

Yé mwa gato ma ne yo kom nde tó, Yefun Yesus bi pakon wergat Yefun Yesus do, ”Yeguru nan git sugit wokgan mó et.”

Yohanes 6:2

Yefun Yesus si An bi pakon mu ne sa, yé mwa boribot An, we yé mwa ne me suk gato Yefun Yesus ben gato kadum Yefun Allah bi suktinggi. Yé mwa ne yeket mo gato Yefun Yesus ben ye gato i ne ge.

Yohanes 10:38

Sarewo Ji ben suk tepsu Ji bi Ai syogat Ji ben ne, sane nin onyar kem mo Ji mo suk gato Ji ben gato ben nje yeket ne. Kapre nin bariwa nin jammo Ji bi sukdu-i, nin onyar kem mo Ji mo suk gato Ji ben ne sor. Sane bere nin jam kom mo mit do, Ji bi Ai si Ji tepsu dik. Ji dom, Ji si Ji bi Ai tepsu dik.”

Yohanes 14:10

Filipus, nan nut do, sangge, Ji si Ji bi Ai tepsu dik bado nde e? Sangge, Ji dakai bi sukdu-i anane nde, wo Ji bi Ai gato si Ji tepsu dik, An anato fro suk gato Ji ki e, Ji ben e ne re.