Yohanes 3:16 - Abun Scripture

¹⁶ Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Yohanes 3:16 Referans Kwoze

Roma 5:8

Sarewo men ben men bi suk-i siri kadit Yefun Allah mit tó, sugane Yesus Kristus ma bi nggwa kwop win men. Sane anato men jam mone do, Yefun Allah bi sukjimnut sye kas subot men ndo nde.

Yohanes 3:15

Sane dom yé bes Ji gum kok, subere ye gato onyar kem mo Ji yo, ye ne kem ndo to kapyo mato kapyo.”

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

Yohanes 6:40

Sane dom, Ji bi Ai mit i do, yé mwa ne sino gato me An bi Gan to Ji ré, ete án onyar kem mo Ji yo, án kem ndo to kapyo mato kapyo. Bere su kam gato bur ré kru yo, Ji sun án mbau satu. Suk gato Ji bi Ai imo anane it.”

Yohanes 3:36

Ye to onyar kem mo Yefun Allah bi Gan yo, ye ne mbau to kapyo mato kapyo, wo ye to misyar An bi Gan ne yo, bere ye ne yo kem ndo mo nde, wo ye ne ku sukye mo Yefun Allah bi sukmaskwa ne sor to kapyo mato kapyo.”

1 Yohanes 4:19

Yefun Allah bi sukjimnut sye kas subot men nyim, anato men waii bi sukjimnut sye kas subot An re.

Yohanes 10:28

Ji mewa domba ne subere domba mbau to kapyo mato kapyo, domba ne yo ges mo bot gesyos nde. Ye yi yo nggiwa nai Ji bi domba wé kadit Ji nde.

Roma 5:10

Suga nyim men bariket Yefun Allah, sarewo Yefun Allah syo An bi Gan ma kwop kak os wa men si Yefun Allah kem ndo su yu. Sane su ré, Kristus mbau, ete men si Yefun Allah kem ndo su yu it, sane bere Kristus kak os wa men kem ndo mo Yefun Allah bi nat-i ne o re.

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

2 Tesalonika 2:16

Men bi Yekwesu Yesus Kristus, An dakai si men bi Ai, Yefun Allah gato bi sukjimnut sye kas subot men ne, Yefun dakai bi sukjimnut sye kas subot men anato An ós men kem ndo to kapyo mato kapyo. An kak men bi sukjimnut anato men kwabom kam mo An do, sangge, bere An ben sukndo su men sino.

Efesus 2:4

Sarewo Yefun Allah bi sukjimnut sye kas subot men ndo nde. Yefun Allah dakai jimnotku men ndo nde anato An yo ben sukye satu nai men tepsu sukibit gato men ben su An ne nde.

Matius 9:13

Nin nutbot Yefun bi sukdu kwa dik ré sisu ndo et, sare do, ’Ji iwa nin dakai jimnotku ye yi neya ete ós án mone, Ji bariwa nin gre suge mo bot wa som Ji su.’ Nin nutbot sukdu ne, we Ji yo ma mo bur ré wa Ji kendo ye gato nut do, an sa, ye gato ben sukndo ne nde, wo Ji ma mo bur ré wa Ji kendo ye gato ben sukibit, yé ne tepsu ye gato i, subere án brek kadit os ibit ne ete onyar kem mo Ji.”

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Titus 3:4

Suga nyim men ben men bi suk-i sane, sarewo Yefun Allah gato fro os ndo wa men kem ndo to kapyo mato kapyo ne, An bi sukjimnut sye kas subot men, An ben sukndo su men.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

Markus 12:6

Yenggras ré, an bi an bi pakwerut mu or mone, yetu ge dik sor ana kem, an bi gan gato an jimnotku. Sane kom mo rut sa, yenggras ré syogat an dakai bi gan mu mone, we an ki do, ’Ye gato mewa nggwe ne bere jammo ji bi pa re.’

Lukas 2:14

”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Yohanes 3:18

Ye to onyar kem mo An bi Gan yo, ye ne yo ku sukye mo bot gesyos nde. Sarewo ye to yo onyar kem mo An bi Gan nde yo, ye ne gum sok mo ye gato bere ges mo bot gesyos it, we ye ne yo onyar kem mo Yefun Allah bi Gan ge dik ne nde.

Ibrani 2:9

Sarewo men me do, Yefun Yesus sa, jom suk mwa ne sino it. Yefun Allah is Yefun Yesus gum-i ga wokgan mo bur kadit malaikat gum-i ne bergan sor re, subere Yefun Allah bi sukjimnut sye dakai kas subot men yetu anato An syogat Yefun Yesus ma ku sukye ete kwop wa men yetu sino. Sane su ré Yefun Allah bes An gum kok tepsu Yekwesu, ete yé mwa un Yefun Yesus or re.

1 Yohanes 3:1

Yefun Allah bi sukjimnut kas subot men sye teker anato An kendo men do, An bi pá-i. Sangge, men anato Yefun Allah bi pá-i. Yé gato ben sukibit mo bur ré jam nde Yefun, sane anato án jam nde men dom.