Yohanes 3:13 - Abun Scripture

¹³ Yetu yo it mu mo gu nim yo mo nde. Wo Yetu bi Pa to Ji ré sa, Ji is kadit gu ma mo bur ré re.

Yohanes 3:13 Referans Kwoze

Yohanes 6:38

We Ji is kadit gu ma mo bur ré wa Ji ben Ji bi Ai bi suk-i gato An imo, we An anato syogat Ji ma more. Ji yo ben Ji dakai bi suk-i nde.

Suk Gato Yerasul Ben Ne 2:34

wo Daud yo it su kaim mu mo gu nde. Daud ki subot Yefun Yesus sare do, ’Yefun Allah gato gesyos ki nai Ji bi Yekwesu do,

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

1 Korintus 15:47

Adam doketke ne Yefun Allah ut kadit bur, wo Adam kedowe ma kadit gu.

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Roma 10:6

Sarewo ye gato onyar kem mo Kristus, ete mone Yefun Allah ki mo ye ne do, án sa, tep wa Yefun nai án gum sok mo Yefun bi rus-i ne yo, yé ne yo meret os yi yo o wa án sok mo Yefun bi rus-i o nde, we Yesus Kristus ma kak os ne it. Yefun Allah bi sukdu ki sare do, ”Nan ndobot nan mit do, ’Je u anato it mu mo gu wa meret ye yo ma kak os wa men ne?’ Sane bere siri re.” (Men ndobot sane bere bi sukjimnut do, men werwa kar Kristus is ma mo bur wam dik yo o anane, sarewo Kristus is ma mo bur ré, An kak os ndo wa men mó re.)

Yohanes 6:62

Nin sokme Yetu bi Pa to Ji ré it satu mo gu, mu mo pe gato Ji ma kadit ne yo, bere nin sa u ne?

Yohanes 3:31

Ye gato ma kadit gu nim, An gum anato kok wai kadit yé mwa ne sino. Yetu gato ye bes gum kok mo bur ré yo, ye ne sok tó yé mwa mo bur ré sino. Ye ne ki subot suk mo bur ré sor re, wo Ye gato ma kadit gu, An gum kok sye wai o re.

Yohanes 6:46

Yefun Allah da duno yetu, wo yetu yo me Ji bi Ai mo nde. Ji, gato ma kadit Yefun Allah sa, Ji dakai sor ete me Yefun Allah re.

Yohanes 6:42

Ye Yahudi ne ki do, ”Ye ré, An anato Yusuf bi pa, gato gum do Yesus fe! Men jam An bi im si bi ai re. Ben sa u anato An ki do, An is kadit gu ma ne?”

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Yohanes 8:42

Orete Yefun Yesus ki nai yé ne do, ”Yefun Allah anato nin bi Ai it yo, bere nin jimnotku Ji, we Ji ma kadit Yefun Allah re. Ji dakai nai sukjimnut wa Ji ma nde, wo Yefun Allah anato syogat Ji ma mo bur ré.

Yohanes 6:51

Ji dakai anato tepsu sugit gato is kadit gu ma ré. Sugit ré ben yetu mbau. Ye to git sugit ré yo, ye ne kem gesyos it, an mbau to kapyo mato kapyo. Sugit gato Ji bi wa ben yetu mo bur ré mbau anato Ji dakai ku.”

Yohanes 6:33

we Yefun Allah bi sugit-i anato Ye gato is kadit gu ma mo bur ré. Ye ne ben yetu mo bur ré mbau.”

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

Matius 28:20

Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Efesus 1:23

Yé mwa gato onyar kem mo Yefun Yesus anato tepsu Yefun Yesus kaim-i mo bur ré. Yé mwa gato onyar kem mo Yefun Yesus mo bur ré ku bi suktinggi ne sino kadit Kristus re. Yesus Kristus syo bi suktinggi nai nje mo pe mwa mo bur ré or sino re.

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Yohanes 3:12

Ji ki sukdu subot suk mwa mo bur ré nai nin jam ware, nin yo jam mo suk gato Ji ki ne nde. Sane Ji ki sukdu subot suk mwa mo gu nim ne yo, bere nin jambot Ji bi sukdu-i ne sa u ne? Bere yo mo nde!