Yohanes 3:11 - Abun Scripture

¹¹ Suk gato Ji ki ré suksangge anare, men ki subot suk gato men jam, men ki subot suk gato men dakai me su men gro nai nin jam, sarewo nin bariwa nin jammo men bi sukdu-i.

Yohanes 3:11 Referans Kwoze

Yohanes 8:38

Suk mwa gato Ji bi Ai kadum nai Ji ne, Ji ki nai nin jam, sarewo nin ben suk gato nin bi ai duno nin su ne.”

Yohanes 14:24

Ye to bariket Ji yo, ye ne yo benbot sukduno gato Ji duno an su ne nde. Sukdu gato Ji ki nai nin jam ne yo ma kadit Ji dakai bi sukjimnut-i nde, wo sukdu ne ma kadit Ji bi Ai gato syogat Ji ma more bi sukjimnut-i re.

Yohanes 12:49

Ji yo ki Ji bi sukdu-i tepsu Ji dakai bi sukjimnut-i nde, wo Ji ki Ji bi sukdu-i tepsu Ji bi Ai gato syogat Ji ma mo bur ré bi sukjimnut-i. An anato syogat Ji ki An bi suktaru nai nje jam.

Yohanes 8:14

Yefun Yesus ki nai án do, ”Kapre Ji ki sukdu rer subot Ji dakai, sukdu gato Ji ki ne sangge, we Ji jam pe gato Ji ma kadit ne si Ji jam pe gato Ji mu mone dom. Sarewo nin jam nde pe gato Ji ma kadit ne. Sane dom nin jam nde pe gato Ji mu mone.

Yohanes 7:16

Yefun Yesus ki nai yepasye ne do, ”Ji ki Ji bi sukduno-i are nde, wo Ye gato syogat Ji ma mo bur ré bi sukduno-i anato Ji ki ré.

Yohanes 1:18

Yetu yo ku Yefun Allah yo mo nde, wo Yefun Allah dakai bi Gan ge dik ne sor ete sisu Yefun Allah. Yesus Kristus si An bi Ai ben suk tepsu dik. Yesus Kristus anato kadum An bi Ai nai men yetu jam re.

2 Korintus 4:4

Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur ré ne rai yé ne bi sukjimnut-i ne krat mo ndendu bi suk-i re. Sukdu subot os ndo gato Yesus Kristus kak wa men yetu ne bi suktinggi bor mo bur ré tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

Yohanes 1:11

An ma mo An dakai bi nat-i sarewo An bi yetuge-i bariwa An.

Lukas 10:22

”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Suk Gato Yerasul Ben Ne 22:18

Ji me Yefun Yesus ki sukdu, An ki nai ji do, ’Ré yo, nan mu kadit Yerusalem kekro, we yé gato kem more bere bariwa sukdu gato nan ki subot Ji re.’

Yohanes 5:43

Ji bi Ai bes Ji wa Ji ma mo bur ré, wo nin bariwa Ji re. Wo ye yi dakai bes an gum kok ete ma yo, bere nin iwa ye ne.

Yohanes 3:13

Yetu yo it mu mo gu nim yo mo nde. Wo Yetu bi Pa to Ji ré sa, Ji is kadit gu ma mo bur ré re.

Yohanes 3:5

Yefun Yesus ki do, ”Suk gato Ji ki ré suksangge anare, men bi im kem su men yo, men sok mo men yetu bi rus-i it anane. Yefun Allah Gen kem su men o yo, men waii sok mo Yefun Allah bi rus-i o it anane.

Yohanes 3:3

Yefun Yesus ki do, ”Suk gato Ji ki ré suksangge anare, ye kem su nan satu o yo, nan gum sok mo Yefun Allah bi rus-i it anane.”

Matius 23:37

”Kamapa! Nin yé gato kem mo kota Yerusalem, nin gu yenabi kwop, nin am ye gato gwat Yefun Allah bi suktaru ma su jok. Kapre nin gu yenabi kwop sane o, Ji iwa Ji mewa nin tepsu ndam kokor mewa bi gan mo i desnak, sarewo nin bariwa re.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Wahyu 3:14

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Laodikia sare do: Ji gato Sangge, Ji gato ki Ji bi sukdu-i subot Yefun Allah ne sangge, Ji gato ki Yefun Allah bi sukdu-i sisu ri-roi sor, Ji gato jom suk mwa gato Yefun Allah ut mo i-ke ne sino, Ji bi sukdu-i anare:

Yohanes 3:12

Ji ki sukdu subot suk mwa mo bur ré nai nin jam ware, nin yo jam mo suk gato Ji ki ne nde. Sane Ji ki sukdu subot suk mwa mo gu nim ne yo, bere nin jambot Ji bi sukdu-i ne sa u ne? Bere yo mo nde!

Yohanes 8:26

Bere Ji ki nin gum ibit mo suk mwa neya mone tó. Sarewo Ji yo ki kom mone nde, wo Ji ki sukdu gato Yefun Allah syogat Ji ki ne. Yefun Allah gato syogat Ji ma more, An ben An bi suk-i ri roi. Sane sukdu gato An tarubot Ji ne sor anato Ji frot nai yé mwa mo bur ré re.”