Yohanes 21:7 - Abun Scripture

⁷ Pakon ge dik yo gato Yefun Yesus jimnotku ne, an ki nai Petrus do, ”Men bi Yekwesu anane.” Petrus jam do, pakon ne ki do, ”Men bi Yekwesu anane” sa, Petrus it an bi sansun satu, (we an ben suk, sane an jogru sansun ne wé). Orete Petrus yak kadit kwem ngga mo sem.

Yohanes 21:7 Referans Kwoze

Yohanes 13:23

Yefun Yesus bi pakon ge dik yo kem karowa Yefun Yesus de. Yefun Yesus bi sukjimnut sye kas subot pakon ne. {Pakon ne anato Yohanes gato krom sukdu ré.}

Yohanes 20:2

Sane Maria kas satu, mom kas mu ku Simon Petrus si pakon dik yo gato Yefun Yesus jimnotku. Maria ki nai an we do, ”Ye yo nai men bi Yekwesu wé kadit makwe re. Jokwak ne or wa An re. Ji jam nde pe gato yé grem An mukri mone.”

Yohanes 19:26

Yefun Yesus sokme An bi im si An bi pakon gato An jimnotku ne ti mone. Yefun Yesus sokme an we sa, Yefun Yesus ki nai an bi im do, ”Im o, nan bi pa anane it.”

2 Korintus 5:14

Kristus bi An nggwa wa men anato men wergat men nggwa wa ben Kristus bi suk-i ne pe sor. Kristus wadigan kwop win men yetu sino, men jam ware. Sane dom, ben sato men sino kwop su An, men bi men nggwa wa An it.

Yohanes 21:24

Pakon gato yé nut do bere an yo kwop nde, an anato ki rer subot sukdu mwa ne. An anato krombot sukdu ne dom. Men jam do, sukdu gato an ki ne sangge.

Yohanes 21:20

Petrus brek sa, an sokme pakon gato Yefun Yesus jimnotku boribot an we. Pakon ré, tomgato Yefun Yesus si bi pakon sino git sugit su noru, an anato kem karowa Yefun Yesus de, ete an ndo mo Yefun Yesus do, ”Je u ana meret os wa gwat yeko ma wa but Nan ne?”

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Suk Gato Yerasul Ben Ne 2:36

Petrus ki o do, ”Sa ndo sa, nin ye Israel ne sino jam do, Yefun Yesus gato nin gu kwop mo kwesukwin ne, Yefun Allah bes tepsu men bi Yekwesu. Yefun Allah anato bes Yefun Yesus gum Kristus, Ye gato Yefun Allah syogat ma mo bur ré wa nai men yetu kadit sukye ete jowa men ne.”

Lukas 7:47

Sane Ji ki sare do, nggon ré bi sukjimnut sye kas subot Ji wai o re, we mom jam do, sukibit mwa gato nggon ré ben ne or wé kadit mom it, Ji yo nutbot o nde. Sarewo ye gato ben sukibit wokgan, ete an jam do, Ji yo nutbot o nde yo, bere ye ne bi sukjimnut sye yo kas subot Ji teker eta nde.”

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Markus 11:3

Do ye yo mone ndo mo nin ka we do, ’Nin ka we sombok keledai gan ne wa suma ne?’ yo, nin ka we ki do, ’Men bi Yekwesu mitmo keledai ré, bergan sor, ete An syo satu o re.’ ”

Yakobus 2:1

Ji bi nji, ji bi nyanggon, nin onyar kem mo men bi Yekwesu Yesus Kristus gato gum kok sye wai o re. Sane nin ben suk su yetu mwa ne sino tepsu yu et, nin bes deyo gum kok wai kadit deyo daret nde, wo nin ben suk su yé mwa ne sino tepsu yu et.

1 Korintus 15:47

Adam doketke ne Yefun Allah ut kadit bur, wo Adam kedowe ma kadit gu.

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Yohanes 20:20

Yefun Yesus ki sukdu ne, orete An kadum An syim tak wip si An syak wip ne nai An bi pakon ne me. An bi pakon me Yefun Yesus sa, án mit at wa ndo nde.

Lukas 12:35

”Nin fro nin nggwa wa nin ben Yefun bi suk-i et. Nin it nin bi san, nin mewa nin bi kak sawe kak ne te.

Yohanes 21:8

Pakon deyo mu su kwem boribot an mu nden. Pakon mbros kwem saresa, án tik mwi su boge mwa ne boribot kwem ne. Kwem ne karowa em de, tepsu meter wotin dik sor re.