Yohanes 21:2 - Abun Scripture

² Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Yohanes 21:2 Referans Kwoze

Yohanes 4:46

Orete Yefun Yesus satu mu mo kota Kana mo bur Galilea ne o. Tomga nyim An frus syur tepsu nau anggur rom mone. Yefun Yesus kom mone sa, An ku yesu ge dik yo gato ben suk wa yeraja. Yesu ne bi gan i. Yesu bi gan ne kem mo kota Kapernaum.

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Yohanes 11:16

Pakon dik yo gato gum do Tomas waii ki sukdu. Tomas gum bi sukjimnut do, ”Pa kwa we.” Tomas ki nai an bi yesyim, pakon deyo do, ”Men si Yefun mu sino subere men si An kwop mone.”

Yohanes 2:11

Yefun Yesus ben syur tepsu nau anggur rom ne mo kota Kana mo bur Galilea. Yefun Yesus ben suk doketke gato ben yetu yeket mone. Yefun Yesus kadum An bi Ai bi suktinggi bor wa yetu jam mone. Sane anato An bi pakon onyar kem mo An.

Lukas 5:10

Ye we gato si Simon ben suk sino, Yakobus si Yohanes, gato Zebedeus bi gan we ne, an we yeket boge mwa ne dom. Orge Yefun Yesus ki nai Simon do, ”Nan nyu nde. Su ré yo, bere nan but yetu tepsu nan but boge.”

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Markus 1:19

Yefun Yesus mubot em de ne, Yefun Yesus muket em de ne ko gan yo o, ete Yefun Yesus me yetu ge we yo o. Yetu ge we ne gum do, Yakobus si bi nji Yohanes, án ka we anato Zebedeus bi gan. An we fro an we bi mwi mo kwem mit.

Yohanes 2:1

Kam we rek o, yé konwa sukra mo kota Kana mo Galilea. Yefun Yesus bi im si nje konwa sukra mone dom.