Yohanes 21:16 - Abun Scripture

¹⁶ Yefun Yesus ndo mo an wam do we o do, ”Simon, gato Yohanes bi pa, nan bi sukjimnut sye kas subot Ji bado?” Petrus ki do, ”Ji bi Yekwesu, sangge, Nan jam do, ji jimnotku Nan.” Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.”

Yohanes 21:16 Referans Kwoze

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

1 Petrus 5:2

nin mewa Yefun Allah bi rus-i gato An syo nai nin sisu ndo et. Yefun Allah iwa nin mewa An bi rus-i sisu nin mit iwa sor, nin bariwa nde. Nin mewa Yefun bi rus-i, nin gro sye wa nin ku suk mwa wa nin dakai sor nde, wo nin dakai mit iwa nin ós Yefun bi rus-i ne, ete nin mewa Yefun bi rus-i mone sor.

1 Petrus 2:25

Suga nyim neya nin jam nde os gato sangge sato domba gan gato muri, wo su ré sa, Yefun Allah kar nin satu, subere nin jammo Yefun Yesus gato mewa nin, tepsu suksi jammo ye gato mewa suksi ne sisu ndo ne. Yefun Allah kar nin satu ma mo Kristus subere Kristus uttok nin petok sor.

Ibrani 13:20

Yefun Yesus kwop, An dé sye anato An kak os be gato gesyos, os be ne kem su men kadit kam ne sor to kapyo mato kapyo. Sane Yefun Allah sun men bi Yekwesu Yesus Kristus satu kadit sukkwop, ete An bes Yesus Kristus gum kok wai wa mewa men yé gato sibot os be ne. Kristus mewa men tepsu yetu mewa bi suksi sato domba ne sisu ndo.

Yohanes 18:25

Simon Petrus ti mo bot de ne tó, bot ne kam is an. Sane yé mone ndo mo an do, ”Te, nan sok mo Ye gane bi pakon bado nde e?” Petrus rewa re. An ki do, ”Ji nde re.”

Yohanes 18:17

Nggon kwerut gato mewa ros syo ne ndo mo Petrus do, ”Te, nan ré, nan sok mo Ye gane bi pakon bado nde e?” Petrus ki do, ”Ji nde re.”

Lukas 19:10

Sane Yetu bi Pa to Ji ré ma mo bur ré wa Ji syeret ye gato jam nde Yefun Allah bi os-i, subere ji ós ye ne jam Yefun Allah bi os-i. Ji kak os wa ye ne subere an kem ndo to kapyo mato kapyo.”

Matius 26:72

Petrus rewa sukdu ne o, ete an dufo do, ”Sangge, bur anare, gu ana nim ne, ji jam nde Ye ne, sangge re.”

Matius 25:32

Yewis mwa ne sino mo bur ré iwedewe sum mo Ji gwem, ete Ji wat yetu tepsu ye gato mewa suksi wat domba kadit kambing.

Matius 2:6

’Kota Betlehem mo bur Yudea, yepasye mo bur Yudea jam do, nan sa, kota gato yé bes gum kok; we bere Yekwesu dik yo ma kadit nan. Yekwesu ne bere mewa Ji bi nje-i, gato sok mo yewis ye Israel ne tepsu ye mewa domba sisu ndo.’ ”

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Yohanes 21:17

Yefun Yesus ndo mo Petrus wam do gri o do, ”Simon, gato Yohanes bi pa, nan jimnotku Ji bado?” Petrus kwabom dek, we Yefun Yesus ndo mo an ne sor kom mo wam gri it. Sane Petrus ki nai Yefun Yesus do, ”Yenggras, men bi Yekwesu, Nan sa jam suk mwa ne sino kom mo mit, Nan rer mo Nan dakai. Nan jam do, ji jimnotku Nan re.” Orete Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.