Yohanes 20:2 - Abun Scripture

² Sane Maria kas satu, mom kas mu ku Simon Petrus si pakon dik yo gato Yefun Yesus jimnotku. Maria ki nai an we do, ”Ye yo nai men bi Yekwesu wé kadit makwe re. Jokwak ne or wa An re. Ji jam nde pe gato yé grem An mukri mone.”

Yohanes 20:2 Referans Kwoze

Yohanes 13:23

Yefun Yesus bi pakon ge dik yo kem karowa Yefun Yesus de. Yefun Yesus bi sukjimnut sye kas subot pakon ne. {Pakon ne anato Yohanes gato krom sukdu ré.}

Yohanes 20:13

Malaikat ge we ndo mo Maria do, ”Nggon, nan wo wa suma ne?” Maria ki nai malaikat we do, ”Ye yo nai ji bi Yekwesu wé re. Ji jam nde pe gato yé grem An mukri mone.”

Yohanes 21:24

Pakon gato yé nut do bere an yo kwop nde, an anato ki rer subot sukdu mwa ne. An anato krombot sukdu ne dom. Men jam do, sukdu gato an ki ne sangge.

Yohanes 21:7

Pakon ge dik yo gato Yefun Yesus jimnotku ne, an ki nai Petrus do, ”Men bi Yekwesu anane.” Petrus jam do, pakon ne ki do, ”Men bi Yekwesu anane” sa, Petrus it an bi sansun satu, (we an ben suk, sane an jogru sansun ne wé). Orete Petrus yak kadit kwem ngga mo sem.

Yohanes 19:26

Yefun Yesus sokme An bi im si An bi pakon gato An jimnotku ne ti mone. Yefun Yesus sokme an we sa, Yefun Yesus ki nai an bi im do, ”Im o, nan bi pa anane it.”

Yohanes 21:20

Petrus brek sa, an sokme pakon gato Yefun Yesus jimnotku boribot an we. Pakon ré, tomgato Yefun Yesus si bi pakon sino git sugit su noru, an anato kem karowa Yefun Yesus de, ete an ndo mo Yefun Yesus do, ”Je u ana meret os wa gwat yeko ma wa but Nan ne?”

Yohanes 20:15

Yefun Yesus ndo mo mom do, ”Nggon, nan wo wa suma ne? Nan syeret je u ne?” Maria gendo Ye ré anato ye gato ben suk mo nggwe ne. Sane Maria ki nai An do, ”Nan anato nai Ye ne mukri kadit pe ré yo, nan gwat mu nan grem An mukri mo u ne? Nan ki rer nai ji jam et, subere ji mu nai An mukri kadit pe ne wé.”

Yohanes 20:9

Mo Yefun Allah bi sukdu ye krom do, bere Yefun Yesus sun kadit sukkwop re, sarewo Yefun Yesus bi pakon yo jam sukdu gato yé krom mone nde tó.)