Yohanes 20:1 - Abun Scripture

¹ Kam Ari, bundugan, Maria gato bi nat mo Magdala mu mo jokwak gato ye grem Yefun Yesus mukri mone. Maria mu kom mo jokwak sa, mom me jok sye gato kewa jokwak syo ne, yé nai wé re.

Yohanes 20:1 Referans Kwoze

Markus 16:9

Kam Ari nyotkwo, Yefun Yesus sun kadit sukkwop sa, ketke Yefun Yesus kadum An nggwa nai Maria gato bi nat mo Magdala. (Maria ré, suga nyim Yefun Yesus syun semda ge mufit wé kadit mom.) Nggon ka gri ne mu ku Petrus si bi yesyim bok ne, orete an ka gri ki sukdu sap subot suk mwa gato pa yemsok ki nai án.

Matius 27:60

Orete an gwat Yefun Yesus mukri ne mu, an grem mo an dakai bi jokwak gato an fro sim mo bobuk jok ne mit. Yusuf grem Yefun Yesus mukri mo jokwak mit or, an wop jok sye dik yo ma an grem kewa jokwak syo, ete an mu kadit re.

Markus 15:46

Sane Yusuf mu, Yusuf so san det gato kwo wa nggwot Yefun Yesus mukri su. Yusuf sombok Yefun Yesus mukri kadit kwesukwin ne, ete Yusuf nggwot su san ne, ete gwat mu mo makwe. Mone an grem Yefun Yesus mukri mo jokwak dik yo gato yé fro mo bobuk jok ne mit. Yusuf grem Yefun Yesus mukri mo jokwak mit or, an wop jok sye dik yo ma an grem kewa jokwak syo.

Yohanes 20:26

Ari ga tak, Yefun Yesus bi pakon ne sum satu mo nu ne o. Tomas sisu án mone dom. Pakon ne da gwot nusyo sino krat, sarewo Yefun Yesus ma si án ti mone sino. Yefun Yesus ki nai án do, ”Yefun Allah ete uttok nin. Nin nyu nde.”

Yohanes 19:25

Yefun Yesus bi im e, Yefun Yesus bi im dowok e, Maria gato Klopas bi nggon ne si Maria gato bi nat mo Magdala, án ge at ti karowa kwesukwin gato yé mban Yefun Yesus mone.

Wahyu 1:10

Kam ari dik yo, ete Yefun Allah Gen pet mo ji. Orete ji jam ye yo saiye nggi mo ji dari, an ba sye tepsu ye fuf dut.

Matius 27:64

Sane nan syogat yesukmise mewa makwe ne sisu ndo kom mo kam we rek et, sawe bere An bi pakon ne ma syimsi An mukri, ete ki nai nje do, Yefun Allah sun Ye ne kadit sukkwop re. An bi pakon do ben sane yo, bere sukkidar wari ré sye wai kadit sukkidar gato nyim ne o re.”

1 Korintus 16:2

Aridik-aridik bi kam futmo, nin kadik-kadik wat sugum wa nin ós ye Kristen yi su ne. Ye gato ku sugum mwa, wat mwa, wo ye gato ku sugum wokgan, wat wokgan, nin grem mo pe gato dor. Nin grem sugum mone ndek sor ji ba ku nin mone et, subere ji kom mone yo, men yo werwa sum sugum o nde.

Suk Gato Yerasul Ben Ne 20:7

Kam Saptu bi noru, men si ye gato onyar kem mo Yefun Yesus mone sum sino. Men git sugit sino, men git roti wa men napawa Yefun Yesus. Bi ik, ete Paulus mu kadit kota Troas ne, sane Paulus nuk sukdu sor kom mo noru miten.

Matius 27:56

Nggon ne deyo gum do, Maria gato bi nat mo Magdala, si Maria gato Yakobus si Yusuf bi im, si Zebedeus bi nggon.

Matius 27:66

Sane yekwesú si yepasye ne sino mu mo jokwak, ete án grem suk yo wa ós jom jok sye gato ye grem wa jokwak syo ne subere krat. Orete án fro yesukmise ne mewa makwe ne noru nombrak sor, subere ye yo ma ben suk yo mone nde.

Matius 28:1

Ye Yahudi bi kam sye ne or, kam Ari, bundugan, Maria Magdalena si Maria yi ne, an we mu me makwe ne.

Matius 28:2

Nggon we ne kom mone sa, nggon we gensu sui juwai bur ndo nde, ete Yefun Allah bi malaikat dik yo is ma kadit gu. Orete malaikat wop jok gato kewa jokwak syo ne wé kadit jokwak ne, ete malaikat ne kem mo jok ne yu.

Yohanes 11:38

Yefun Yesus jimnotbot teker tó, An mu mo pe gato yé grem Lazarus mukri mo makwe ne. Yé grem Lazarus mukri mo jokwak dik yo mit, orete yé nggwot su jok sye kewa jokwak syo ne.

Yohanes 11:41

Sane yé kak jok gato kewa i-syo ne mo nden wé. Orete Yefun Yesus sok mu nim mo gu, ete An ki do, ”Ji bi Ai, ndo mo Nan, we Nan jam Ji bi sukdu gato Ji ki nai Nan ré it.