Yohanes 2:6 - Abun Scripture

⁶ Mo pe ne ye grem sukbo mumat wa yé rin syur mó. Sagana ye Yahudi yo sok ari nde tó, yé de syur gato yé rin mo sukbo ne. Yé rin syur mo sukbo ne ses yo, bergan tepsu liter wotin dik mo sukbo dik. Sugane sukbo mumat kwop mone.

Yohanes 2:6 Referans Kwoze

Yohanes 3:25

Yohanes bi pakon deyo duwer ye Yahudi ge dik yo subot ye Yahudi bi agama. Ye ne ki do, ye Yahudi yo de syur nde, án fowa sok ari, wo pakon ne bi sukjimnut-i tara re.

Ibrani 9:10

Sane os nyim gato Musa krombot ne bi sukduno-i kom mo men de nden sor re. Yé sibot sukduno subot sugit si syur e, yé de syur mo suk yo tepsu bi acara bok yo mone. Sarewo yé ben suk bok ne mo de nden sor re. Suk bok ne Yefun Allah syogat men benbot sane sor kas kom mo kam gato Kristus ma wa kak os be ne sor re.

Efesus 5:26

Kristus bi An nggwa wa nai sukibit wé kadit men. An bi sukduno tepsu syur gato An de mo men wa rus sukibit wé kadit men re. Sane An fro men wa men sok mo Yefun Allah bi rus-i.

Ibrani 10:22

Sane men karowa Yefun Allah su men mit dik si men onyar dik et, men onyar kem pe mo Yesus Kristus et. Men karowa Yefun Allah yo, men bi sukjimnut mo men mit waiyu mo sukibit gato men ben suga nyim ne o nde, we men jam do, Kristus tot sukibit ne or wé kadit men it. Men karowa Yefun Allah yo, men onyar kwo, ben sato men kaim kwo tepsu ye mus men su syur kwo it.

Ibrani 9:19

Suga nyim tuya Musa kibot Yefun Allah bi os nyim ne bi sukduno-i mwa ne sino nai ye Israel jam. Orete Musa nai sapi gan si kambing ge ndi dé ete fros su syur. Musa nai es mis gato gum do hisop gato ye far domba go er mone, ete ras mo suge dé su syur ne. Musa jom es ne sa, an dar suge dé mo kertas gato ye rum su os nyim ne bi sukdu-i gato ye krom mo mit ne. An dar suge dé mo ye Israel mwa ne sino dom.

Ibrani 6:2

Sukdu bok yo o gato ndaf mo i-ke ne mó, sato ré: sukdu subot ye ras nje mo syur e, sukdu subot ye ak syim mo nje wa bes an wa ben Yefun bi suk-i mo pe yo e, sukdu subot kam sari, bere Yefun sun nje kadit sukkwop e, sukdu subot ye ku sukye mo bot gesyos to kapyo mato kapyo e ne.

Lukas 16:6

Ye ne ki do, ’Ji bi bon ne kom mo jeriken sye wotin dik ses su manik zaitun.’ Ye gato jom yepasye ne bi suk mwa ne ki do, ’Nan me nan bi bon gato ji krom more wa ji bi yenggras jam ne. Nan ma kekro, nan rus suk gato ji krom ré wé et. Nan krom do, nan bi bon kom mo jeriken sye musyu mek sor re, musyu mek yo, men misyar sor.’

Yohanes 2:7

Yefun Yesus ki nai ye gato fro suk mo sukra ne do, ”Nin rin syur mo sukbo bok ré ses et.” Sane yé ne mu gwat syur ma rin mo sukbo bok ne ses kai.