Yohanes 2:4 - Abun Scripture

⁴ Yefun Yesus ki nai bi im do, ”Im, nan ma ki napyo wa Ji jam wa suma ne? Su ré yo tepsu bi kam-i wa Ji ben suk gato kadum Ji bi suktinggi nde tó.”

Yohanes 2:4 Referans Kwoze

Yohanes 7:6

Sane Yefun Yesus ki nai An bi nji do, ”Yefun Allah ki nai Ji do, kam ne tep wa Ji ben suk yo bor nde tó yo, Ji yo ben suk nde tó. Wo nin sa, nin ben nin bi suk-i su kam daret sor, kam mwa ne sino ndo wa nin.

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 8:20

Yefun Yesus duno nje su sukduno ne mo Yefun Allah bi nu karowa pe gato ye grem peti wa yé bok sugum wa ye som Yefun Allah su mone. Sarewo yé yo but Yefun Yesus nde tó, we An gen syu tó. Kam gato Yefun Allah fro wa ye but An yo bor nde tó.

Yohanes 7:30

Sugane ye Yahudi bi yepasye iwa but Yefun Yesus ware, ye yo syimtok An mo nde, we An Gen syu tó. Kam gato Yefun Allah fro wa ye but An yo bor nde tó.

Yohanes 12:23

Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it.

Matius 8:29

Semda ben ye we ne saiye ket Yefun Yesus do, ”Yefun Allah bi Gan, Nan ma ku men wa suma ne? Men yo kom mo kam gato Yefun Allah ma ndobot men yetu nde tó, ete Nan ma wa ben sukye nai men su mit ré bado?”

Yohanes 20:15

Yefun Yesus ndo mo mom do, ”Nggon, nan wo wa suma ne? Nan syeret je u ne?” Maria gendo Ye ré anato ye gato ben suk mo nggwe ne. Sane Maria ki nai An do, ”Nan anato nai Ye ne mukri kadit pe ré yo, nan gwat mu nan grem An mukri mo u ne? Nan ki rer nai ji jam et, subere ji mu nai An mukri kadit pe ne wé.”

Yohanes 20:13

Malaikat ge we ndo mo Maria do, ”Nggon, nan wo wa suma ne?” Maria ki nai malaikat we do, ”Ye yo nai ji bi Yekwesu wé re. Ji jam nde pe gato yé grem An mukri mone.”

Lukas 2:49

Yefun Yesus ki nai An bi im si bi ai do, ”Nin ka we meret Ji wa suma ne? Nin ka we nutbot sisu ndo sa, bere nin ka we jam do, Ji kem mo Ji bi Ai, gato Yefun Allah ne bi nu re.”

Matius 15:28

Sane Yefun Yesus ki nai nggon ne do, ”Mban! Pa donggon a, nan sa, nan kwabom kam mo Ji it! Sane suk gato nan ndek mo Ji bere Ji ben re.” Sugane it, nggon ne bi mam ge re.

2 Korintus 5:16

Sane men nut subot yetu su yetu bi sukjimnut-i ne o nde. Tomgato nyim neya men da nutbot Kristus tepsu yetu nutbot An do, An yetu sor re, wo su ré men nutbot An su yetu dakai bi sukjimnut-i ne o nde.

Yohanes 2:3

Ye konwa sukra ne sa, nau anggur rom yo tep wa yé mwa da nde. Nau ne or sa, Yefun Yesus bi im ma ki nai An do, ”Nau ne or re.”

Yohanes 7:8

Nin dakai mu simo kam sye ne sor. Ji yo mu mone nde tó, we kam yo tep wa Ji mu nde tó.”