Yohanes 2:21 - Abun Scripture

²¹ Ye Yahudi bi yepasye ne nut do, Yefun Yesus ki subot Yefun Allah bi nu, ondewo Yefun kibot An dakai kaim sor re.

Yohanes 2:21 Referans Kwoze

1 Korintus 6:19

Men kaim ne anato tepsu nu wa Yefun Allah Gen kem mó. Yefun Allah Gen bok nggwa mo nin. Yefun Allah dakai bi An Gen bok nggwa mo nin it. Nin nutbot sisu ndo et. Sane, nin kaim sok mo nin bi suk-i o nde, wo nin kaim sok mo Yefun Allah bi suk-i,

1 Korintus 3:16

Nin dakai anato tepsu Yefun Allah bi nu, nin dakai jam re. Yefun Allah Gen kem mo nin mit it, nin dakai jam re.

Ibrani 8:2

An ben suk tepsu yegweswai gato gum kok mo Yefun Allah dakai bi gumwak-i, gato fo mo Yefun Allah bi nu mit mo gu. Nu mo gu ne yetu yo nggo nde, wo Yefun Allah dakai sor anato nggo An bi nu-i gato sangge mo gu ne.

Kolose 2:9

Nin jambot sukdu sane nde, we sukdu gato sangge bor mo Yesus Kristus gato ma mo bur ré su kaim tepsu men yetu. Yesus Kristus, anato tepsu Yefun Allah dakai mo suk mwa ne sino, kwa yo gwet mo nde. Suk mwa gato An ben si An bi suktinggi ne, suk mwa ne tepsu Yefun Allah dakai.

Kolose 1:19

Yefun Allah dakai mit iwa suk mwa gato An ki ne, si, suk mwa gato An ben ne sino, An bi Gan waii ki ete ben sane petok dom.

2 Korintus 6:16

Ye gato mo Yefun Allah bi nu-i si ye gato mo yefun gato ye som daret ne bi nu-i ne te, bi sukjimnut tepsu dik subot suk sato suma ne? Bere yo mo nde. Men bi sukjimnut tara kadit ye gato som sukdaret ne, we men anato tepsu Yefun Allah gato gesyos ne bi rus-i gato kem mo An bi nu-i, tepsu Yefun Allah ki do, ”Bere Ji dakai anato si Ji bi rus-i kem sino mo pe dik, Ji si án kem sino mone. Bere Ji Yefun Allah anato tepsu yenggras gato jom án ne, án anato tepsu Ji bi rus-i.”

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yohanes 2:22

Sane kam gato Yefun Yesus sun kadit sukkwop or wé, ete An bi pakon napakom sukdu gato An ki ne. Sane án onyar kem mo sukdu gato yé krom mo Yefun Allah bi sukdu si sukdu gato Yefun Yesus dakai ki ne sino dom.